යෝජිත 22 වැනි ආණ්ඩුක්රම ව්යවස්ථා සංශෝධන පනත් කෙටුම්පතේ ව්යවස්ථානුකූලභාවයට අභියෝග කරමින් ගොනු කර ඇති පෙත්සම් සලකා බැලීම සඳහා පස්දෙනෙකුගෙන් යුත් ශ්රේෂ්ඨාධිකරණ විනිසුරු මඩුල්ලක් පත් කර තිබේ.
අගවිනිසුරු ප්රීති පද්මන් සූරසේන මහතාගේ ප්රධානත්වයෙන් යුත් එම විනිසුරු මඩුල්ලට අචල වෙන්ගප්පුලි, අර්ජුන ඔබේසේකර, සම්පත් අබේකෝන් සහ ගිහාන් කුලතුංග යන විනිසුරුවරුන් ඇතුළත් වෙති.
අදාළ පෙත්සම් සැප්තැම්බර් 1 වැනි අඟහරුවාදා ශ්රේෂ්ඨාධිකරණය හමුවේ සලකා බැලීමට නියමිතය.
යෝජිත ව්යවස්ථා සංශෝධනයට එරෙහිව පෙත්සම් කිහිපයක් ගොනු කර ඇති අතර, ශ්රී ලංකා නීතිඥ සංගමය ඇතුළු පාර්ශ්ව කිහිපයක්ද ඒ අතර වේ.
යෝජිත 22 වැනි සංශෝධන පනත් කෙටුම්පත සම්බන්ධයෙන්, විශේෂයෙන් අධිකරණය හා සම්බන්ධ යෝජිත වෙනස්කම් පිළිබඳව නීතිමය සහ දේශපාලනික වශයෙන් පුළුල් සංවාදයක් මතුව තිබේ.
පනත් කෙටුම්පතේ ව්යවස්ථානුකූලභාවය සම්බන්ධයෙන් ශ්රේෂ්ඨාධිකරණය ලබාදෙන තීන්දුවට රජය අනුකූල වන බවද රජය ප්රකාශ කර තිබේ.
