ශ්රී ලංකා මහ බැංකුව (CBSL) විසින් “TM App” යෙදුම 1988 අංක 30 දරන බැංකු පනතේ 83(C) වගන්තිය යටතේ තහනම් පිරමිඩ් යෝජනා ක්රමයක් ලෙස ක්රියාත්මක වී, පවත්වාගෙන ගොස් සහ ප්රවර්ධනය කර ඇති බවට තීරණය කර තිබේ.
අගෝස්තු 5 වැනිදා නිකුත් කළ මහජන දැන්වීමකින් මහ බැංකුව සඳහන් කළේ, සිදුකළ විමර්ශනයේදී “TM App” තහනම් යෝජනා ක්රමයක් ලෙස ක්රියාත්මක වන බව තහවුරු වූ බවයි.
ඒ අනුව, බැංකු පනත යටතේ තහනම් බවට තීරණය කර ඇති ආයතන සහ යෙදුම් ඇතුළත් ලැයිස්තුවට “TM App” ද අලුතින් එක් කර තිබේ.
නවතම යාවත්කාලීන කළ ලැයිස්තුවට සමාගම් සහ යෙදුම් 26ක් ඇතුළත් වන අතර, Qnet/Questnet, MTFE, OnmaxDT, Fruugo Oline, Beecoin App, Windex Trading, Smart Win Entrepreneur, Infinity Rover (Pvt) Ltd සහ TM App ඒ අතර වේ.
ශ්රී ලංකාවේ ක්රියාත්මක තහනම් පිරමිඩ් යෝජනා ක්රම පිළිබඳව මහජනතාව දැනුවත් කිරීමේ අරමුණින් මහ බැංකුවේ මූල්ය පාරිභෝගික සබඳතා දෙපාර්තමේන්තුව විසින් මෙම දැන්වීම නිකුත් කර තිබේ.
