SJB දේශපාලනඥයන් දෙදෙනෙක් එජාපයට
අමාත්‍ය හරීන් ප්‍රනාන්දු සමගින් තම ඉදිරි දේශපාලන කටයුතු කරගෙන යාමට අදහස් කරන බව SJB පාර්ලිමේන්තු මන්ත්‍රී වඩිවෙල් සුරේෂ් මහතා පැවසීය.
ඔහු මේ අදහස් පළ කළේ හරීන් ප්‍රනාන්දු සමඟ බදුල්ල ප්‍රදේශයේ පැවති ජන හමුවකට එක්වෙමින්.
මේ අතර, පසුගිය මහ මැතිවරණයේදී SJB යටතේ තරඟ කර පරාජයට පත් වූ එක්සත් ජාතික පක්ෂයේ හිටපු අමාත්‍ය P. හැරිසන් ද කියා සිටියේ තමන් පක්ෂයේ උපසභාපති ධුරයෙන් සහ SJB පක්ෂයේ අනෙකුත් සියලුම තනතුරුවලින් ඉල්ලා අස්වන බවයි.
අද මාධ්‍ය වෙත අදහස් දක්වමින් හිටපු මන්ත්‍රීවරයා, ආර්ථික අර්බුදයේදී ආණ්ඩුවක් පිහිටුවීමේ අභියෝගය භාර නොගැනීම සම්බන්ධයෙන් විපක්ෂ නායක සජිත් ප්‍රේමදාස මහතා දැඩි ලෙස විවේචනය කළේය.
