Sinopec Fuel Oil Lanka හි ශ්‍රී ලංකාවේ ඉන්ධන පිරවුම්හල් ව්‍යාපාරයේ මෙහෙයුම් අංශ සම්බන්ධයෙන් පාර්ලිමේන්තුවේ සිදුකරන අසත්‍ය ප්‍රකාශ ප්‍රචාරය කිරීමට එරෙහිව සුදුසු විනය සහ නීතිමය ක්‍රියාමාර්ග ආරම්භ කරන ලෙස විදුලිබල හා බලශක්ති අමාත්‍ය කාංචන විජේසේකර කථානායක මහින්ද යාපා අබේවර්ධන මහතාගෙන් ඉල්ලා සිටින බව අවධාරණය කරයි.
“Sinopec විසින් ශ්‍රී ලංකාවේ ඉන්ධන පිරවුම්හල් මෙහෙයුම් සඳහා වන දේශීය නියෝජිතයන් සම්බන්ධයෙන් පාර්ලිමේන්තුවේ කරන ලද චෝදනා සහ උපකල්පන සහ මාධ්‍යවල පළ වූ වෙනත් ප්‍රකාශ සම්බන්ධයෙන් ඔවුන්ගේ ස්ථාවරය පැහැදිලි කරමින් නිවේදනයක් නිකුත් කර ඇත. වරප්‍රසාද කමිටුවට කැඳවා සිදු කර ඇති අසත්‍ය ප්‍රකාශවලට එරෙහිව අවශ්‍ය විනය හා නීතිමය පියවර ගන්නා ලෙස මම ගරු කථානායකතුමාගෙන් ඉල්ලා සිටිමි.
