INNOTECH

INNOTECH 2020 ජාතික ප්‍රදර්ශනය අග්‍රාමාත්‍යවරයා අතින් විවෘත කෙරෙයි

Share this Article

INNOTECH 2020 ජාතික ප්‍රදර්ශනය හෝමාගම, පිටිපන අධී තාක්ෂණ හා නවෝත්පාදන නගර පරිශ්‍රයේදී අද (2020.03.11) අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙන් විවෘත කෙරිනි.

මාර්තු මස 14 වැනිදා දක්වා පැවැත්වෙන මෙම ප්‍රදර්ශනය නොමිලේ අධ්‍යාපන අමාත්‍යංශය, උසස් අධ්‍යාපන, තාක්ෂණ හා නවෝත්පාදන අමාත්‍යංශය සහ එම අමාත්‍යංශය යටතේ ක්‍රියාත්මක රාජ්‍ය පර්යේෂණ ආයතන, විශ්ව විද්‍යාල සහ පෞද්ගලික අංශයේ සහයෝගීතාවයෙන් සංවිධානය කරන වසරේ දැවැන්තම තාක්ෂණ හා නවෝත්පාදන ජාතික ප්‍රදර්ශනය මෙයයි.

ශ්‍රී ලංකා නිනිති තාක්ෂණ ආයතනය, NSBM සරසවිය, ශ්‍රී ජයවර්ධනපුර විශ්වවිද්‍යාලයේ තාක්ෂණ පීඨය, මහින්ද රාජපක්ෂ ජාතික පාසල සහ මිණුම් ඒකක, ප්‍රමිති හා සේවා  පාර්තමේන්තුව යන ස්ථානවල දී පැවැත්වෙන මෙම ප්‍රදර්ශනය අධ්‍යාපන කලාපය, නවෝත්පාදන කලාපය සහ පර්යේෂණ හා සංවර්ධන කලාප ලෙස කලාප තුනකින් යුක්ත වෙයි.

පර්යේෂණ ආයතන සහ විශ්ව විද්‍යාලයන්හී පරයේෂණවල ප්‍රතිඵල ලෙස බිහිවූ නිෂ්පාදන, මුලාකෘති සහ නව නිපැයුම් ස්වාධීන නව නිපැයුම්කරුවන්ගේ නව නිපැයුම්, ත්‍රිවිධ හමුදාවේ සහ පොලීසියේ නව නිපැයුම් හා ප්‍රදර්ශන භාණ්ඩ, අධ්‍යාපනික විනෝදාස්වාදාත්මක ක්‍රියාකාරකම්, නවින සහ නැගී එන තාක්ෂණයන් පිළිබඳ දැනුම, නිර්මාණ සහ ප්‍රදර්ශනාත්මක ක්‍රියාකාරකම් (සූර්ය බල ශක්ති භාවිතය,5G & IOT, ස්නායු තාක්ෂණය, ඩෝන යන්ත්‍ර භාවිතය ආදිය) ජංගම ග්‍රහලෝකාගාර, රාත්‍රි අහස නිරීක්ෂණ කඳවුරු, ජල රොකට් ප්‍රදර්ශනය, ආදී ප්‍රදර්ශන අංග රැසකින් මෙම ප්‍රදර්ශනය සමන්විත වේ.

 


Share this Article

Leave a Reply

Your email address will not be published.