22 වැනි ආණ්ඩුක්රම ව්යවස්ථා සංශෝධන පනත් කෙටුම්පත සහ අධිකරණ (සංශෝධන) පනත් කෙටුම්පත පාර්ලිමේන්තුවේ අනුමැතිය සඳහා ඉදිරිපත් කිරීමට පෙර රජයේ ගැසට් පත්රයේ පළ කිරීමට අමාත්ය මණ්ඩලය අනුමැතිය ලබාදී තිබේ.
අගෝස්තු 3 වැනිදා පැවති අමාත්ය මණ්ඩල රැස්වීමෙන් අනතුරුව නිකුත් කළ අමාත්ය මණ්ඩල තීරණවලට අනුව, යෝජිත නීති මගින් අධිකරණයේ ස්වාධීනත්වය තවදුරටත් ශක්තිමත් කිරීම මෙන්ම අධිකරණ පද්ධතියේ කාර්යක්ෂමතාව වැඩිදියුණු කිරීම අපේක්ෂා කෙරේ.
2026 ජූලි 27 වැනිදා අමාත්ය මණ්ඩලය ලබාදුන් අනුමැතියට අනුව මෙම පනත් කෙටුම්පත් සකස් කර ඇති අතර, ඒවායේ ව්යවස්ථානුකූලභාවය සම්බන්ධයෙන් නීතිපතිවරයාගේ අනුමැතියද මේ වන විට ලැබී ඇති බව අමාත්ය මණ්ඩල පත්රිකාවේ සඳහන් වේ.
ඒ අනුව, අධිකරණ සහ ජාතික ඒකාබද්ධතා අමාත්යවරයා විසින් ඉදිරිපත් කළ යෝජනාවට අමාත්ය මණ්ඩලය අනුමැතිය ලබාදී ඇති අතර, පනත් කෙටුම්පත් දෙකම ගැසට් පත්රයේ පළ කිරීමෙන් අනතුරුව පාර්ලිමේන්තුවේ අනුමැතිය සඳහා ඉදිරිපත් කිරීමට නියමිතය.
