දෙරට අතර ගිවිසුම විධිමත් කිරීම සඳහා සහතික හුවමාරු කර ගනිමින්, 2027 වසර සඳහා චීන මහජන සමූහාණ්ඩුව ශ්රී ලංකාවට පාසල් නිල ඇඳුම් රෙදි පරිත්යාගයක් ලබා දෙනු ඇත.
රජයේ පාසල්, රජයේ ආධාර ලබන පාසල් සහ රජයේ අනුමත පිරිවෙන්වල ඉගෙනුම ලබන සිසුන්ට සහ ශිෂ්ය භික්ෂූන් වහන්සේලාට පාසල් නිල ඇඳුම් ලබා දීම සඳහා සහතික හුවමාරු උත්සවය 2026 ජූලි 15 වන දින කොළඹ ඉසුරුපායේ අධ්යාපන අමාත්යාංශ පරිශ්රයේදී පැවැත්විණි.
මෙම වැඩසටහන යටතේ, 2027 වන විට මිලියන 4.18 කට ආසන්න සිසුන් පිරිසකගේ නිල ඇඳුම් අවශ්යතා සපුරාලීම සඳහා චීන රජය ශ්රී ලංකාවට රෙදි මීටර් මිලියන 10.82 ක් පරිත්යාග කරනු ඇත.
ශ්රී ලංකාවේ චීන තානාපති චී ෂෙන්හොං සහ අධ්යාපන, උසස් අධ්යාපන සහ වෘත්තීය පුහුණු අමාත්යාංශයේ ලේකම් නාලක කළුවැව අතර සහතික හුවමාරුව හරහා ගිවිසුම තහවුරු විය.
ශ්රී ලංකාවේ චීන තානාපති කාර්යාලයේ ආර්ථික හා වාණිජ කටයුතු භාර උපදේශකවරයා සහ අධ්යාපන අමාත්යාංශයේ ජ්යෙෂ්ඨ නිලධාරීන් ද මෙම අවස්ථාවට සහභාගී වූහ.
