හිටපු ජනාධිපති රනිල් වික්රමසිංහ මහතා ලන්ඩනයට කළ පෞද්ගලික සංචාරයකදී රාජ්ය මුදල් අවභාවිත කළ බවට එල්ල වන චෝදනා සම්බන්ධයෙන් ප්රකාශයක් ලබා ගැනීම සඳහා ඊයේ දිනයේදී අපරාධ පරීක්ෂණ දෙපාර්තමේන්තුවේ මූල්ය අපරාධ විමර්ශන අංශය හමුවේ පෙනී සිටීමට නොහැකි බව මහාචාර්ය මෛත්රී වික්රමසිංහ මහත්මිය දැනුම් දී ඇති බව පොලිස් මාධ්ය ප්රකාශක සහකාර පොලිස් අධිකාරී එෆ්.යූ. වූට්ලර් මහතා පැවසීය.
සෞඛ්ය හේතූන් මත මහාචාර්ය මෛත්රී වික්රමසිංහ මහත්මියට පැමිණීමට නොහැකි බව ලිඛිතව රහස් පොලිසියට නිල වශයෙන් දැනුම් දී ඇති බව වාර්තා විය. වෛද්යවරුන් ඇයට නිවසේ සිට අඛණ්ඩව ප්රතිකාර ලබා ගැනීමට උපදෙස් දී ඇති බැවින්, අවශ්ය නම් අදාළ ප්රකාශය සටහන් කර ගැනීම සඳහා නිලධාරීන්ට ඇගේ නිවසට යා හැකි බව එම ලිපියේ වැඩිදුරටත් සඳහන් වේ.
හිටපු ජනාධිපති රනිල් වික්රමසිංහ මහතා එංගලන්තයට කළ පෞද්ගලික සංචාරයක් සඳහා රාජ්ය මුදල් රුපියල් මිලියන 16.6 කට අධික මුදලක් අවභාවිත කිරීම සම්බන්ධයෙන් මහාචාර්ය මෛත්රී වික්රමසිංහ මහතාගෙන් ප්රකාශයක් ලබා ගන්නා බව රහස් පොලිසිය මෑතකදී කොළඹ කොටුව මහේස්ත්රාත් අධිකරණයට දැනුම් දුන්නේය.
