පසුගිය 29 වන දා අළුයම සොයිසාපුර ප්‍රදේශයේ පිහිටි හෝටලයකට වැගන් ආර් කාර් රථයකින් පැමිණි නාඳුනන පිරිසක් විසින් ස්වයංක්‍රීය ගිනි අවිවලින් එම හෝටලයේ වීදුරුවලට වෙඩි තබා පලා යාමේ සිද්ධියට අදාළ සැකකරුවෙක් පොලිස් විශේෂ කාර්ය බලකාය විසින් අත්අඩංගුවට ගෙන තිබේ. ඊයේ (30) රාත්‍රී 8.00 ට පමණ පානදුර, එලුවිල ප්‍රදේශයේ දී අත්අඩංගුවට ගත් අදාළ සැකකරු ගල්කිස්ස පොලිස් ස්ථානයට ඉදිරිපත් කර තිබේ.
අදාළ සැකකරු 2018 වසරේ මැයි මස 24 වැනි දින දෙහිවල ගල්කිස්ස මහ නගර සභාවේ නාගරික මන්ත්‍රීවරයෙකුට වෙඩි තබා ඝාතනය කිරීමේ සිද්ධියට අදාළ ප්‍රධාන සැකකරු වන අතර, ඔහු දැනට රක්ෂිත බන්ධනාගාර ගත කිරීමෙන් අනතුරුව ඇප මත මුදා හැර සිටින පුද්ගලයෙකු වන බව පොලීසිය පවසනවා.
වයස අවුරුදු 34 ක් ව්න අත්අඩංගුවට ගත් සැකකරු සමුද්‍රාසන්න පාර, අඟුලාන, මොරටුව යන ප්‍රදේශයේ පදිංචිකරුවෙක් වන අතර, ඔහු බාරයේ තිබී ජංගම දුරකථනයක් හා සිම් කාඩ්පතක්ද පොලිස් බාරයට ගෙන තිබේ. සැකකරු අද(31) ගල්කිස්ස මහේස්ත්‍රාත් අධිකරණය වෙත ඉදිරිපත් කිරීමට නියමිතයි.
