සජිත් ප්‍රේමදාස මහතා නැවතත් එක්සත් ජාතික පක්ෂයේ නියෝජ්‍ය නායක ලෙස පක්කිරීමට පක්ෂ නායක රනිල් වික්රමසිංහ මහතා කටයුතු කර ඇති බව වාර්තාවේ.
එක්සත් ජාතික පක්ෂ කෘත්යාධිකාරී මණ්ඩලයට සියලු සාමාජිකයන් පත් කිරීම ලබන සදුඳා (27) වනවිට අවසන් කිරීමට නියමිතව ඇති බැවින් මේ වනවිට එම පක්ෂයේ ප්‍රධාන තනතුරු වලට අදාළ පත්කිරිම් සියල්ලක්ම අවසන් අදියරේ පවතින බවට එක්සත් ජාතික පක්ෂ ආරංචි මාර්ග සදහන් කරයි.
පක්ෂ නායක රනිල් වික්රමසිංහ, නියෝජ්‍ය නායක සජිත් ප්‍රේමදාස, උප නායක රවී කරුණානායක, ජාතික සංවිධායක නවීන් දිසානායක, මහලේකම් අකිල විරාජ් කාරියවසම් යන මහත්වරුන් ඇතුළු උපදේශක මණ්ඩලයේ අනුමැතිය යටතේ පක්ෂ කෘත්යාධිකාරී මණ්ඩල සාමාජිකයන් පත් කිරීම සිදුකර ඇති බවද වැඩිදුරටත් වාර්තා වේ.
එමෙන්ම ලක්ෂ්මන් කිරිඇල්ල මහතා ප්‍රකාශ කළේ, පක්ෂ නායකත්වය සම්බන්ධයෙන් පවතින ගැටලු විසදීම සදහා ඡන්දයක් නොපවත්වන ලෙසට එක්සත් ජාතික පක්ෂයේ මන්ත්‍රීවරුන් බොහෝ දෙනෙකු කළ ඉල්ලිමට අනුව අර්බුදයකින් තොරව එය විසදාගැනීමට එක්සත් ජාතික පක්ෂය මේ වනවිට ක්‍රමවේදයක් සකසමින් සිටින බවයි.
