වෝහාරික විගණන වාර්තාව පාර්ලිමේන්තුවට ඉදිරිපත් කිරීමට නීතිපතිගේ උපදෙස් අනවශ්‍යයි – බිමල් රත්නායක
වෝහාරික විගණන වාර්තාව පාර්ලිමේන්තුවට ඉදිරිපත් කිරීමේදී නීතිපතිවරයාගේ උපදෙස් පිළිගැනීමට පාර්ලිමේන්තුව බැඳි නොමැති හෙයින් එය කඩිනමින් සභාගත කළ යුතු බව ජනතා විමුක්ති පෙරමුණේ පාර්ලිමේන්තු මන්ත්‍රී බිමල් රත්නායක මහතා පවසයි. මාධ්‍ය හමුවක් අමතමින් මන්ත්‍රීවරයා මෙම අදහස් පළ කළේය
එමෙන්ම රාජ්‍ය ආයතනවලට ප්‍රධානීන් පත්කිරීමේදී සිදුව ඇති ප්‍රමාදයන් හා දෝෂ සහගත තත්වයන් පිළිබඳව ද මන්ත්‍රීවරයා අදහස් පළ කළේය.
වැඩිදුරටත් අදහස් දැක්වූ බිමල් රත්නායක මහතා,
“ජාතික ගමනාගමන මණ්ඩලයේ සභාපතිධුරයට ශශී වෙල්ගම පත්කිරීම ප්‍රශ්නයක්.
අධිකරණ ක්‍රියාමාර්ග ගෙන තිබෙනවා, රාජ්‍ය ආයතන රැසක අධ්‍යක්ෂ මණ්ඩල පත්කරලා නැහැ. සභාපතිට විතරක් තීන්දු ගන්න බැහැ, ආණ්ඩුව බලයට පත්වෙලා වැඩ කෙරිලා නැහැ.
මාර්තුවල මහ මැතිවරණය එනවා සමහර අමාත්‍යාංශවලට සභාපතිවරු පත්කරලා නැහැ. රාජ්‍ය ආයතන අකාර්යක්ෂම වෙනවා, ගොවියන්ට පොහොර ගන්න නැහැ.
මහබැංකු හොරකම ගැන , වෝහාරික විගණනක් කිරීම කෝප් කමිටුවේ නිර්දේශයක්, රනිල් වික්‍රමසිංහ ආණ්ඩුව වාර්තා නොදී යටගහලා තියෙද්දී පාර්ලිමේන්තුව දෙවනත් කළ අය බලයට ඇවිත් කියනවා වාර්තා එපාලු.
කෝටි 90 වැයකරමින් සැකසූ වාර්තාව වහාම පාර්ලිමේන්තුවට ඉදිරිපත් කරන්න නීතිපති දෙපාර්තමේන්තුවේ උපදෙස් පාර්ලිමේන්තුවට පිළිගන්නත් පුළුවන්, පාර්ලිමේන්තුවට නොපිළිගන්නත් පුළුවන්, ඊට ව්‍යවස්ථාවෙන් බැඳී නැහැ”
