ඉදිරි පැය 24 තුළ ශ්රී ලංකා මුහුදු තීරයේ ක්රියාත්මක බහුදින ධීවර යාත්රාවලට රළු මුහුදු තත්ත්වයන් සහ තද සුළං අපේක්ෂා කළ හැකි බැවින්, ප්රවේශම් වන්නැයි කාලගුණ විද්යා දෙපාර්තමේන්තුව අනතුරු අඟවා තිබේ.
ඊයේ උදෑසන 7.00 ට නිකුත් කරන ලද කාලගුණ අනාවැකියට අනුව, හලාවත සිට කොළඹ සහ ගාල්ල හරහා මාතර දක්වා වෙරළට ඔබ්බෙන් වන මුහුදු ප්රදේශවල ස්ථාන කිහිපයක වැසි හෝ ගිගුරුම් සහිත වැසි අපේක්ෂා කෙරේ.
නිරිත දෙසින් පැයට කිලෝමීටර 30-40 ක වේගයකින් යුත් සුළං පවතිනු ඇතැයි අපේක්ෂා කෙරේ. කන්කසන්තුරේ සිට මන්නාරම හරහා කල්පිටිය දක්වා සහ ගාල්ල සිට හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්රදේශවල සුළං වේගය විටින් විට පැයට කිලෝමීටර 50-60 දක්වා වැඩි විය හැකිය.
ත්රිකුණාමලය සිට මුලතිව් හරහා කන්කසන්තුරේ දක්වා සහ කල්පිටිය සිට කොළඹ හරහා ගාල්ල දක්වා වෙරළට ඔබ්බෙන් වන මුහුදු ප්රදේශවල සුළං වේගය විටින් විට පැයට කිලෝමීටර 50 දක්වා වැඩි විය හැකිය.
කන්කසන්තුරේ සිට මන්නාරම හරහා කල්පිටිය දක්වා සහ ගාල්ල සිට හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්රදේශ විටින් විට රළු විය හැකි බවත්, ත්රිකුණාමලය සිට මුලතිව් හරහා කන්කසන්තුරේ දක්වා සහ කල්පිටිය සිට කොළඹ හරහා ගාල්ල දක්වා මුහුදු ප්රදේශ විටින් විට තරමක් රළු විය හැකි බවත් දෙපාර්තමේන්තුව වැඩිදුරටත් පැවසීය.
ගිගුරුම් සහිත වැසි ඇති වන විට තාවකාලිකව තද සුළං සහ ඉතා රළු මුහුදක් අපේක්ෂා කළ හැකි බවත්, ධීවරයින්ට සහ සමුද්ර කටයුතුවල නියැලී සිටින අයට අවධානයෙන් සිටින ලෙස උපදෙස් දෙන බව එම දෙපාර්තමේන්තුව වැඩිදුරටත් පැවසීය.
