බණ්ඩාරවෙල ප්රධාන බස් නැවතුම්පොළේ රාත්රිය සඳහා නවතා තිබූ ශ්රී ලංගම බස් රථයක් සොරකම් කිරීම සම්බන්ධයෙන් සැකපිට පෞද්ගලික බස් කොන්දොස්තරවරයෙකු ඊයේ උදෑසන බණ්ඩාරවෙල පොලිසිය විසින් අත්අඩංගුවට ගන්නා ලදී.
වයස අවුරුදු 34 ක් වූ සැකකරු බණ්ඩාරවෙල, ඒට්ටපිටිය වතුයායේ පදිංචිකරුවෙකි.
වැල්ලවාය ඩිපෝවට අයත් බණ්ඩාරවෙල – මාතර මාර්ගයේ ධාවනය වන ශ්රී ලංගම බස් රථය බස් නැවතුම්පොළේ නවතා තිබූ අතර පසුදා උදෑසන මාතර බලා පිටත් වීමට නියමිතව තිබුණි.
මත්පැන් පානය කර බස් නැවතුම්පොළට පැමිණි සැකකරු බස් රථයට නැඟී එහි නිදාගෙන ඇත. පසුදා උදෑසන ඔහු බස් රථය පණ ගන්වා බණ්ඩාරවෙල – කොළඹ ප්රධාන මාර්ගය ඔස්සේ ධාවනය කර දියතලාව හරහා වැලිහෙල ප්රදේශයට ගොස් එය පාර අයිනේ දමා ගොස් ඇත.
පරීක්ෂණවලින් හෙළි වූයේ ඔහු හපුතලේ දී මෝටර් රථයක ගැටී වේගයෙන් පලා ගොස් ඇති බවයි. පරීක්ෂණ අතරතුර, සැකකරු හඳුනා ගැනීම සඳහා පොලිසිය සීසීටීවී පටිගත කිරීම් පරීක්ෂා කළේය.
සහකාර පොලිස් අධිකාරී රුවන් ප්රනාන්දු මහතාගේ උපදෙස් මත බණ්ඩාරවෙල පොලිසියේ මූලස්ථාන පොලිස් පරීක්ෂක ඕ. ඒ. එස්. ආර්. දයාරත්න මහතා සහ අපරාධ අංශයේ ස්ථානාධිපති එස්.අයි. බී. ඒ. නන්දරත්න මහතා වැඩිදුර පරීක්ෂණ පවත්වයි.
