ජාතික රණවිරු සැමරුම් උත්සවය පිළිබඳ මූලික සාකච්ඡා…
මේ වසරේ පැවැත්වීමට නියමිත ජාතික රණවිරු සැමරුම් උත්සවය පිළිබඳ මූලික සාකච්ඡාවක් පවත්වා ඇති බව ජනාධිපති මාධ්‍ය අංශය (PMD) වාර්තා කරයි.
ශ්‍රී ලංකාවේ තිස් වසරක සිවිල් යුද්ධයෙන් මියගිය ජාතියේ රණවිරුවන්ට උපහාර දැක්වීම සඳහා ජාතික රණවිරු සැමරුම් උත්සවය අභිමානයෙන් පැවැත්වීමට කටයුතු යොදා ඇති බව පීඑම්ඩී ප්‍රකාශ කළේය.
ජාතික රණවිරු සැමරුම් උත්සවය සේනාධිනායක ජනාධිපති රනිල් වික්‍රමසිංහ මහතාගේ ප්‍රධානත්වයෙන් පැවැත්වෙයි.
ඒ පිළිබඳ මූලික සාකච්ඡාවක් ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක සහ ජනාධිපති කාර්ය මණ්ඩල ප්‍රධානී සාගල රත්නායක මහතාගේ ප්‍රධානත්වයෙන් අද (08) ජනාධිපති ලේකම් කාර්යාලයේදී පැවැත්විණි.
ජාතික රණවිරු සැමරුම් උත්සවය මැයි 19 වැනිදා බත්තරමුල්ල රණවිරු ස්මාරකය අභියසදී පැවැත්වේ.
හිටපු ජනාධිපතිවරුන්, අගමැතිවරුන්, නියෝජ්‍ය අමාත්‍යවරුන්, කථානායක, ආරක්ෂක අමාත්‍යාංශයේ ලේකම්, ආරක්ෂක ප්‍රධානීන් මෙන්ම පොලිස්පති ඇතුළු ත්‍රිවිධ හමුදාපතිවරුන්, යුද්ධයෙන් තුවාල ලැබූ රණවිරුවන්, මෙම රණවිරු සැමරුම් උත්සවයට සහභාගි වන ලෙස මියගිය රණවිරුවන්ගේ ඥාතීන්ට මෙන්ම පාසල් ශිෂ්‍යභට කණ්ඩායම්වලටද ආරාධනා කිරීමට නියමිතය.
සාකච්ජාව අතරතුරදී අදහස් දැක්වූ ආරක්ෂක මහලේකම් කමල් ගුණරත්න (විශ්‍රාමික) පැවසුවේ අභීත වීරත්වය සහ යුද්ධයේ සදාකාලික මතකයන් අගය කිරීම සඳහා විශේෂ රණ බෙර වාදනයක් සහ පුෂ්පෝපහාර දැක්වීමක් සමඟින් මෙම රණවිරු සැමරුම මෙවර සංවිධානය කර ඇති බවයි. රටේ ස්වෛරීභාවය සහ භෞමික අඛණ්ඩතාව සුරක්ෂිත කිරීම සඳහා දිවි පිදූ යුධ, ගුවන් හා නාවික, පොලිස් සහ සිවිල් ආරක්ෂක දෙපාර්තමේන්තුවේ විරුවන්.
මෙම සාකච්ඡාව සඳහා ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන්, පොලිස්පති ඇතුළු ත්‍රිවිධ හමුදාපතිවරුන්, ආරක්ෂක අංශ ප්‍රධානීන් ඇතුළු පිරිසක් එක්ව සිටියහ.
