කෝවිඩ් 19 වෛරසය වැලදී සුව වූ අයට යළිත් එම වෛරසය අසාධනය වීමෙන් බරපතල තත්වයක්.

චීනයෙන් ව්‍යාප්ත වූ කෝවිඩ් 19 හෙවත් නව කොරෝනා වෛරසය මේවනවිට ඉතා බැරෑරුම් හා භයානක අතකට යොමුවී තිබෙනවා. ඒ, වෛරසය ආසාධනය වී සුවය ලැබූ පුද්ගලයින් හට යළිත් එම වෛරසය ආසාධනය වීමේ සිද්ධීන් වාර්තා වීමත් සමගයි. මෙම සිදුවීම් චීනයෙන් හා ජපානයෙන් වාර්තා වෙනවා.

චීනයේ ගුවැන්ග්ඩොන් ප්‍රදේශයේ කොරෝනා ආසාදනය වූ පුද්ගලයින්ගෙන් සියයට 14 ක් පමණ රෝගීන් පිරිසක් වෛරසය වැළඳී සුවය ලැබූ පසු යළිත් වෛරසයට ගොදුරු වී ඇති බවයි අනාවරණ වී ඇත්තේ. එමෙන්ම නව කොරෝනා වෛරසය ආසාදනය වී සුව වූ කාන්තාවකට යළිත් වරක් වෛරසය ආසාදනයවීමේ පුවතක් ජපානයෙන් ද අද වාර්තා වනවා. මෙලෙස දෙවන වරටත් නව කොරෝනා වෛරසයට ගොදුරු වී තිබුණේ 40 හැවිරිදි සංචාරක මගපෙන්වන්නියක්. ඇයට කොරෝනා වෛරසය ආසාධනය වී රෝහල්ගතව සිට ඇති අතර සුවය ලබා පැමිණීමෙන් අනතුරුව සති 02 කින් දෙවන වරටත් වෛරසය ආසාධනය වී ඇති බවයි වාර්තා වන්නේ.

මේ අතර රටතුළ පවතින තත්ත්වය හමුවේ සියලු පාසල් වසා දැමීමට ජපන් අග්‍රාමාත්‍ය ෂිංසෝ අබේ තීරණය කර තිබෙනවා. ඒ අනුව ජපානයේ සියලු පාසල් මාර්තු මස අගවන තෙක් වසා තැබෙනු ඇති.

Leave a Reply

Your email address will not be published. Required fields are marked *