කොළඹ මැරතන් 2026 හේතුවෙන් ඉරිදා කොළඹ මාර්ග කිහිපයක රථවාහන සීමා

“කොළඹ මැරතන් 2026” ජාත්‍යන්තර මැරතන් තරගය හේතුවෙන් ඉරිදා (13) කොළඹ නගරයේ විශේෂ රථවාහන සැලැස්මක් ක්‍රියාත්මක කිරීමට ශ්‍රී ලංකා පොලිසිය පියවර ගෙන තිබේ.

ඒ අනුව පෙරවරු 6.00 සිට මැරතන් තරගයේ ගමන් මාර්ගයට අයත් මාර්ග කිහිපයක රථවාහන සීමා කිරීම් ක්‍රියාත්මක කෙරෙන බව පොලිස් මාධ්‍ය කොට්ඨාසය සඳහන් කළේය.

පොලිසිය පැවසුවේ මැරතන් තරගය පෙරවරු 6.00ට ජාතික ක්‍රීඩා අධිකාරියේ (NSA) පරිශ්‍රයෙන් ආරම්භ වී කොල්ලුපිටිය සහ මැරීන් ඩ්‍රයිව් ඔස්සේ ගාලු මුවදොර දෙසට ගමන් කිරීමට නියමිත බවයි.

තරගයේ ගමන් මාර්ගයට අයත් මාර්ගවල පෙරවරු 6.00 සිට පෙරවරු 10.00 දක්වා රථවාහන සීමා කිරීම් ක්‍රියාත්මක වන බැවින්, රථවාහන පොලිස් නිලධාරීන් ලබාදෙන උපදෙස් අනුව කටයුතු කරන ලෙස රියැදුරන්ගෙන් පොලිසිය ඉල්ලා සිටී.

මැරීන් ඩ්‍රයිව් ඔස්සේ කොළඹ දෙසට ධාවනය වන වාහන කොල්ලුපිටිය මංසන්ධියේදී වෙනත් මාර්ගයකට යොමු කිරීමට නියමිත බවද පොලිසිය සඳහන් කළේය.

එමෙන්ම දෙහිවල, ගල්කිස්ස සහ අනෙකුත් ප්‍රදේශවල සිට කොළඹ දෙසට ගමන් කරන රියැදුරන්ටද විකල්ප මාර්ග භාවිත කරන ලෙස දැනුම් දී තිබේ.

ඒ සඳහා M.O.D. මංසන්ධිය, කොම්පඤ්ඤවීදිය, වැලිකඩ සහ බොරැල්ල හරහා ඇති මාර්ග ඇතුළු විකල්ප මාර්ග භාවිත කළ හැකි බව පොලිසිය පවසයි.

තරගය පැවැත්වෙන කාලය තුළ රථවාහන පාලනය සඳහා යොදවා සිටින පොලිස් නිලධාරීන් සමඟ සහයෝගයෙන් කටයුතු කරන ලෙසද රියැදුරන්ගෙන් සහ මහජනතාවගෙන් පොලිසිය ඉල්ලා සිටී.

මැරතන් තරගයේ ආරක්ෂාව සහ රථවාහන පාලන කටයුතු සඳහා යතුරුපැදි 175ත් 177ත් අතර සංඛ්‍යාවක් යෙදවීමට නියම