ඉන්ධන කෝටාව ලබන මාසයේ සිට වැඩි කෙරේ.
ජාතික ඉන්ධන අවසර පත්‍ර QR ක්‍රමය යටතේ දැනට ලබා දී ඇති ඉන්ධන කෝටාව ලබන මාසයේ ඉන්ධන මිල සංශෝධනයෙන් වැඩි කරන බව විදුලිබල හා බලශක්ති අමාත්‍ය කාංචන විජේසේකර සිකුරාදා (26) නිවේදනය කළේය.
ලංකා ඛනිජ තෙල් නීතිගත සංස්ථාවේ (CPC) මූල්‍ය, වාණිජ සහ අලෙවි අංශ සමඟ ඊයේ පැවති සාකච්ඡාවේදී මෙම තීරණය ගත් බව අමාත්‍ය විජේසේකර ට්විටර් ගිණුමේ සටහනක් තබමින් කියා සිටියේය.
අමාත්‍යවරයා වැඩිදුරටත් සඳහන් කළේ, ඛනිජ තෙල් නීතිගත සංස්ථාවේ භාණ්ඩ ප්‍රවාහන සැලැස්ම, මූල්‍ය කටයුතු සහ බෙදාහැරීමේ සැලසුම් පිළිබඳව ද මෙහිදී සමාලෝචනයට ලක් වූ බවයි.
මේ වන විට මෝටර් රථ, විශේෂ කාර්ය වාහන සහ ගොඩබිම් වාහන සඳහා ලීටර් 30ක ඉන්ධන කෝටාවක්ද, ත්‍රිරෝද රථ සඳහා ලීටර් 08ක්ද, යතුරුපැදි සඳහා ලීටර් 7ක්ද, බස් රථ සඳහා ලීටර් 60ක්ද වෙන්කර ඇත.
