ශ්රී ලංකා ගමනාගමන මණ්ඩලයට (ශ්රී ලංගම) අනුබද්ධ මෙට්රෝ ට්රාන්සිට් සඳහා නව බස් රථ 104ක් ආනයනය කිරීමේ ගිවිසුමකට ප්රවාහන, මහාමාර්ග හා නාගරික සංවර්ධන අමාත්යාංශය අද අත්සන් තැබීය.
බත්තරමුල්ල, කොස්වත්ත පිහිටි අමාත්යාංශ පරිශ්රයේදී ප්රවාහන, මහාමාර්ග හා නාගරික සංවර්ධන අමාත්යාංශය සහ Indra Traders (Pvt.) Ltd අතර ගිවිසුමට අත්සන් තැබිණි.
මෙම ගිවිසුම් හුවමාරුව සඳහා අමාත්යාංශයේ ලේකම් මහාචාර්ය කපිල සී.කේ පෙරේරා මහතා සහ Indra Traders (Pvt.) Ltd හි අධ්යක්ෂ මණ්ඩල සාමාජිකයින් සහභාගී විය.
ගිවිසුමට අනුව එම බස් රථ අගෝස්තු මාසයේදී මෙරටට පැමිණීමට නියමිතය. ශ්රී ලංකාව පුරා පොදු ප්රවාහන සේවාවන්හි කාර්යක්ෂමතාව සහ ගුණාත්මක බව ඉහළ නැංවීමට මෙම නව රථ ඇණිය අපේක්ෂා කරන බව නිලධාරීහු පවසති.
මෙට්රෝ ට්රාන්සිට් සමාගමේ ප්රධාන විධායක නිලධාරී බී එම් පියතිලක මහතා ඇතුළු නිලධාරීහු රැසක් ද මෙම අවස්ථාවට එක්ව සිටියහ.
