Maitree 2020

ශ්‍රීලනිප තීන්දුව අද උදේ 11ට – පොහොට්ටුව ලකුණ නැතිවෙයිද?

ඉදිරි ජනාධිපතිවරණයේ දී ශ්‍රී ලංකා පොදු ජන පෙරමුණේ අපේක්ෂක ගෝඨාභය රාජපක්ෂ මහතාට සහය දැක්වීමට ජනාධිපති මෛත්‍රීපාල සිරිසේන මහතා එකඟවී ඇති බවට ඉහළම පෙළේ දේශපාලන ආරංචි මාර්ග වාර්තා කරයි. විපක්ෂ නායක මහින්ද රාජපක්ෂ මහතාට සහ ජාතික නිදහස් පෙරමුණේ නායක විමල් වීරවංශ මහතාට සමීප වෙබ් අඩවි මේ සම්බන්ධයෙන් ධනාත්මක ප්‍රවෘත්ති වාර්තා කර ඇත.

ඒ අනුව ඊයේ(5) පස්වරුවේ ජනාධිපති මෛත්‍රීපාල සිරිසේන හා හිටපු ජනාධිපති මහින්ද රාජපක්ෂ, ශ්‍රී ලංකා පොදු ජන පෙරමුණේ ජාතික සංවිධායක බැසිල් රාජපක්ෂ යන මහත්වරුන් ඇතුළු පිරිසක් සමග පැවති සාකච්ඡාවේදී මෙම තීන්දුව ගෙන ඇති බවට පැවසේ.

මේ අතර ඊයේ රාත්‍රියේ ශ‍්‍රීලනිප මධ්‍යම කාරක සභාවේ දී තවදුරටත් මේ සම්බන්ධයෙන් සාකච්ඡා කරන ලද බවත් ඒ අනුව අදාළ තීන්දුව අද(6) පෙරවරු 11ට දැනුම්දීමට නියමිත බවත් ශ්‍රීලනිප මාධ්‍ය ප්‍රකාශක වීරකුමාර දිසානායක මහතා පවසා ඇත.

මීළඟ මහ මැතිවරණයේදී වෙනත් පොදු ලකුණක් යටතේ තරග කිරීම සඳහා දෙපාර්ශවය අතර එකඟතාවයක් ඇති ව තිබෙන බවද වාර්තා වේ.

ගෝඨාභය රාජපක්ෂ මහතා මේ වන විටත් පොහොට්ටුව ලකුණින් ඇප මුදල් තැන්පත් කර ඇති බැවින් මේ මොහොතේ ලකුණ වෙනස් කළ නොහැකි බව හිටපු ජනාධිපති මහින්ද රාජපක්ෂ මහතා පසුගියදා මාධ්‍ය වෙත කියා සිටියේය.

 

Leave a Reply

Your email address will not be published.