ශ්රී ලංකා ක්රිකට් ආයතනය (SLC) ශ්රී ලංකාව සහ ඉන්දියාව අතර පැවැත්වෙන ICC ලෝක ටෙස්ට් ශූරතා තරගාවලියේ ටෙස්ට් තරග දෙකම නොමිලේ නැරඹීමට ප්රේක්ෂකයන්ට අවස්ථාව ලබාදී තිබේ.
තරග දෙකෙන් පළමු තරගය අගෝස්තු 15 සිට 19 දක්වා ගාල්ල ජාත්යන්තර ක්රිකට් ක්රීඩාංගණයේදීත්, දෙවැනි තරගය අගෝස්තු 23 සිට 27 දක්වා කොළඹ SSC ක්රීඩාංගණයේදීත් පැවැත්වීමට නියමිතය.
ගාල්ල ජාත්යන්තර ක්රිකට් ක්රීඩාංගණයේදී ප්රේක්ෂකයන්ට අංක 4 දොරටුවෙන් නොමිලේ ක්රීඩාංගණයට ඇතුළු විය හැකිය. SSC ක්රීඩාංගණයේදී අංක 3, 4, 5 සහ 7 දොරටු ප්රේක්ෂකයන් සඳහා විවෘතව පවතී.
ශ්රී ලංකා ක්රිකට් ආයතනය ක්රිකට් ලෝලීන්ට, නැගී එන තරුණ ක්රිකට් ක්රීඩකයන්ට සහ පවුල්වලට මෙම අවස්ථාවෙන් ප්රයෝජන ගනිමින් ශ්රී ලංකාව සහ ඉන්දියාව අතර පැවැත්වෙන ජාත්යන්තර ටෙස්ට් ක්රිකට් තරගාවලිය සජීවීව අත්විඳින ලෙස ආරාධනා කර තිබේ.
