නාවික හා සමුද්ර අංශයේ විශ්රාම යන ශ්රී ලංකා නාවික හමුදා නිලධාරීන් සඳහා විදේශ රැකියා අවස්ථා පුළුල් කිරීම පිළිබඳ පසු විපරම් සාකච්ඡාවක් කොළඹ ආරක්ෂක නියෝජ්ය අමාත්ය කාර්යාලයේදී පැවැත්විණි.
මෙම රැස්වීම ආරක්ෂක නියෝජ්ය අමාත්ය අරුණ ජයසේකර සහ වරාය හා සිවිල් ගුවන් සේවා නියෝජ්ය අමාත්ය ජනිත රුවන් කොඩිතුවක්කු යන මහත්වරුන්ගේ සම සභාපතිත්වයෙන් පැවැත්විණි.
පසුගිය රැස්වීමෙන් පසු ලබා ඇති ප්රගතිය, විශේෂයෙන් විශ්රාම යන නාවික නිලධාරීන් සඳහා ජාත්යන්තරව පිළිගත් වෘත්තීය සුදුසුකම් සඳහා පහසුකම් සැලසීම සඳහා ව්යුහගත යාන්ත්රණයක් ස්ථාපිත කිරීම පිළිබඳව සාකච්ඡා කෙරිණි. ගෝලීය සමුද්ර කර්මාන්තයට ඇතුළුවීම සඳහා අවශ්ය සහතික කිරීමේ අවශ්යතාවල හිඩැස් පියවා ගැනීමට ගෙන ඇති පියවර නියෝජ්ය අමාත්යවරු සමාලෝචනය කළහ.
ශ්රී ලංකා නාවික හමුදාව, ආරක්ෂක අමාත්යාංශය සහ සමුද්ර නියාමන බලධාරීන් ඇතුළු ප්රධාන පාර්ශවකරුවන් අතර සම්බන්ධීකරණය වැඩිදියුණු කිරීම සඳහා ප්රායෝගික පියවරයන් ද රැස්වීමේදී ගවේෂණය කරන ලදී. ගෝලීය සමුද්රීය ප්රමිතීන්ට අනුකූලව විශ්රාම යන නිලධාරීන්ට ජාත්යන්තරව පිළිගත් නිපුණතා සහතික ලබා ගැනීමට හැකි වන පරිදි තිරසාර රාමුවක් සංවර්ධනය කිරීමේ උත්සාහයන් කඩිනම් කිරීම කෙරෙහි අවධාරණය කෙරිණි.
මෙම සාකච්ඡාවට නාවික හමුදාපතිවරයා, වෙළඳ නාවික අධ්යක්ෂ ජනරාල්වරයා, අතිරේක ලේකම් (සිවිල් ආරක්ෂක හා සංවර්ධන) සහ ආරක්ෂක අමාත්යාංශයේ, ශ්රී ලංකා නාවික හමුදාවේ සහ වෙළඳ නාවික ලේකම් කාර්යාලයේ ජ්යෙෂ්ඨ නිලධාරීන් සහභාගී විය.
