රියදුරන්ට පොලිසියෙන් අවවාද…
අප්‍රේල් උත්සව සමයේ බීමතින් රිය පදවන පුද්ගලයින් අත්අඩංගුවට ගැනීම සඳහා විශේෂ මෙහෙයුමක් ක්‍රියාත්මක කරන බව ශ්‍රී ලංකා පොලිසිය නිවේදනය කරයි.
ඒ සඳහා විශේෂ ක්‍රියාමාර්ග ගෙන ඇති බවයි පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නිහාල් තල්දූව අද මාධ්‍ය වෙත කියා සිටියේ.
බීමත් රියදුරන් පරීක්ෂා කිරීම සඳහා හුස්ම ගැනීමේ යන්ත්‍ර බෙදා හැරීම ආරම්භ කර ඇති බව පැවසූ ඔහු 07 වන විට සියලුම ප්‍රදේශවලට හුස්ම ගැනීමේ යන්ත්‍ර 167,000 ක් බෙදා හැරීමට අපේක්ෂා කරන බව පැවසීය.
ජ්‍යෙෂ්ඨ පොලිස් අධිකාරී තල්දූව මහතා මහජනතාවගෙන් ඉල්ලා සිටියේ නීතියට අනුකූලව තම ආරක්ෂාව තහවුරු කරන ලෙසයි.
මෙම උත්සව සමයේ අපරාධකරුවන් හඳුනා ගැනීම සඳහා රට පුරා මාර්ග බාධක කිහිපයක් ද ස්ථාපිත කරන බව ඔහු පැවසීය.
මෙම කාලසීමාව තුළ පොලිසිය දිවා රාත්‍රී ජංගම මුර සංචාරවල නිරත වන අතර ආරක්ෂාව තහවුරු කිරීම සඳහා මුරපොලවල් ද ස්ථාපිත කරන බව පොලිස් මාධ්‍ය ප්‍රකාශකවරයා වැඩිදුරටත් පැවසීය.
