මුස්ලිම් කොංග‍්‍රසය, දෙමළ සන්ධානය, ජවිපෙ එකතු වී බලවත් බලවේගයක් ගොඩනගනවා – හකීම්
දෙමළ සන්ධානය, ජනතා විමුක්ති පෙරමුණ සහ මුස්ලිම් කොංග‍්‍රසය ඇතුලූ සුලූ පක්ෂ එක්ව නව බලවේගයක් ගොඩ නැගීම සඳහා සාකච්ඡා ආරම්භ කර ඇතැයි පාර්ලිමේන්තු මන්තී‍්‍ර රාවුෆ් හකීම් මහතා මහනුවර පැවති ජන හමුවක් අමතමින් ප්‍රකාශ කර සිටියා. ඒ ශ්‍රී ලංකා මුස්ලිම් කෝන්ග්‍රසයේ 29 වන ජාතික නියෝජිත සම්මේලන අමතමින්
වැඩිදුරටත් අදහස් දැක්වූ ඒ මහතා මෙසේ සදහන් කර සිටියා.
“සුළු සහ සුළු ජාතික පක්ෂ අයින් කර දමන්න පුළුවන් කියා කුමන හෝ ශක්තියක් හිතන්නේ නම් එයට විරුද්ධව සටන් කිරීමට ශ්‍රී ලංකා මුස්ලිම් කෝන්ග්‍රසය සෑම අවස්ථාවකම ඉදිරිපත් වෙනවා. මෙම අවස්ථාවේදී මම ඉතාම පැහැදිලිව කියා සිටිය යුතුයි ශ්‍රී ලංකා මුස්ලිම් කෝන්ග්‍රසය ප්‍රමුඛ පක්ෂ කිහිපයක් එකතුව අපි දැන් සැලසුම් කරනවා විශේෂයෙන් ද්‍රවිඩ ජාතික සන්ධානය, ජනතා විමුක්ති පෙරමුණ සමඟත් අපේ ප්‍රතිපත්තිවලට එකඟ වන සිවිල් සංවිධාන සමඟත් එක්ව විවෘත එකමුතුවක් නිර්මාණය කිරීමට පියවර ගෙන තිබෙනවා. මේ රටේ සුළු සහ සුළු ජාතික් නියෝජනය කරන පක්ෂවලට විරුද්ධව හට ගන්නා වූ ප්‍රජාතාන්ත්‍ර විරෝධී ක්‍රියාවන් මැඩලීම සඳහා අපි එකතු වීමට දැන් සූදානම්ව සිටිනවා. ඒ පිළිබඳව පූර්ව සාකච්ඡාවන් දැනටමත් පවත්වලා තිබෙනවා. ඉතා නුදුරු අනාගතයේදී බලවත් බලවේගයක් ලෙස මෙය ගොඩ නගනවා”
