මිනුවන්ගොඩ සහ පෑලියගොඩ කොවිඩ් පොකුරුවල ආසාධිතයින් ගණන 12,226ක්
ඊයේ (12) දිනයේ හඳුනාගැණුනු නව ආසාදිතයින් 373 දෙනාද සමගමේ වනවිට මෙරට සමස්ථ කොවිඩ්-19 ආසාදිතයින් සංඛ්‍යාව 15,723 දෙනෙකු දක්වා ඉහළ ගොස් තිබේ.
යුද හමුදාපති ලුතිනන් ජනරාල් ශවේන්ද්‍ර සිල්වා මහතා සඳහන් කරන්නේ ඊයේ දිනයේ දී හඳුනාගැණුනු ආසාදිතයින්ගෙන් 369 දෙනෙකු මේ වන විට කොවිඩ් නයින්ටීන් ආසාදනය වී සිටින ආසාදිතයින්ගේ ආශ්‍රිතයින් බවයි. ඉතිරි සිව් දෙනා එක්සත් අරාබි එමිර් රාජ්‍යයේ සිට පැමිණි පුද්ගලයින් බවට හඳුනාගෙන තිබේ.
මේ වන විට රෝහල්ගතව වෛද්‍ය අධීක්ෂණය යටතේ ප්‍රතිකාර ලබන ආසාදිතයින් ගණන 5,022කි.
පූර්ණ සුවය ලබා රෝහල්වලින් පිටව ගොස් ඇති සමස්ථ ආසාදිතයින් ගණන 10,653 දෙනෙකු බව සෞඛ්‍ය අමාත්‍යාංශය සඳහන් කළේය.
ඊයේ පස්වරුවේ සිදුවූ මරණ දෙකත් සමග මේ වන විට මෙරටින් වාර්තා වන සමස්ථ කොවිඩ් නයින්ටීන් මරණ සංඛ්‍යාව 48 දක්වා ඉහළ ගොස් තිබේ.
මේ අතර පෑලියගොඩ සහ මිනුවන්ගොඩ ඇඟලුම් කර්මාන්ත ශාලාව ආශ්‍රිත පොකුරේ සමස්ථ ආසාදිතයින් සංඛ්‍යාව 12,226ක් බව රජයේ ප්‍රවෘත්ති දෙපාර්තමේන්තුව සඳහන් කළේය. ඉන් 3,106 දෙනෙක් මිනුවන්ගොඩ ඇඟලුම් කම්හල් පොකුරෙන් ද, 9,120 දෙනෙක් පෑලියගොඩ මාළු වෙළෙඳපොළ ආශ්‍රිතව නිර්මාණය වූ පොකුරෙන් ද වාර්තා වී ඇත.
