ලක්විජය බලාගාරයට ප්රමිතියෙන් තොර ගල් අඟුරු සැපයීමෙන් සිදුවන පාඩු වගකිවයුතු සැපයුම්කරුවන්ගෙන් අයකර ගැනීමට අදාළ බලධාරීන්ට නියෝග කරන ලෙස ඉල්ලා පෙරටුගාමී සමාජවාදී පක්ෂයේ (FSP) අධ්යාපන ලේකම් පුබුදු ජයගොඩ අභියාචනාධිකරණය හමුවේ රිට් පෙත්සමක් ගොනු කර තිබේ.
අඩු ගුණාත්මක ගල් අඟුරු නිසා ඇතිවන මූල්යමය බර වැඩි කළ විදුලි ගාස්තු හරහා විදුලි පාරිභෝගිකයින් මත පැටවීම වැළැක්වීමේ නියෝගයක් ද පෙත්සමෙන් ඉල්ලා සිටී.
බාල ගල් අඟුරු සැපයීම හේතුවෙන් මහජනතාව මත ඉහළ විදුලි ගාස්තු පැනවීමෙන් සිදුවන පාඩු අයකර ගැනීමෙන් බලධාරීන්ට වළක්වන ලෙස පෙත්සම්කරු තවදුරටත් අධිකරණයෙන් ඉල්ලා තිබේ.
පෙත්සමේ නම් කර ඇති වගඋත්තරකරුවන් අතර බලශක්ති අමාත්ය අරුණ කරුණාතිලක, අමාත්යාංශ ලේකම් ජී.එම්.ආර්.ඩී. අපොන්සු, ලංකා ගල් අඟුරු සමාගම (පුද්ගලික) සමාගම, ජාතික පද්ධති ක්රියාකරු (පුද්ගලික) සමාගම, ශ්රී ලංකා මහජන උපයෝගිතා කොමිෂන් සභාව සහ නීතිපති දෙපාර්තමේන්තුව ඇතුළත් වේ.
