ප්‍රදේශ රැසකට තද වැසි සහ තද සුළං ඇති විය හැකි බවට අනාවැකි
දිවයිනේ ප්‍රදේශ කිහිපයක වැසි සහ ගිගුරුම් සහිත වැසි අඛණ්ඩව පවතිනු ඇති බවත්, ඇතැම් ප්‍රදේශවලට තද වැසි සහ තද සුළං අපේක්ෂා කරන බවත් කාලගුණ විද්‍යා දෙපාර්තමේන්තුව පුරෝකථනය කර ඇත.
නවතම කාලගුණ උපදේශනයට අනුව, බස්නාහිර, සබරගමුව සහ වයඹ පළාත්වල මෙන්ම ගාල්ල, මාතර, මහනුවර සහ නුවරඑළිය දිස්ත්‍රික්කවල විටින් විට වැසි හෝ ගිගුරුම් සහිත වැසි ඇති විය හැක.
“බස්නාහිර සහ සබරගමුව පළාත්වල සහ ගාල්ල, මාතර, මහනුවර සහ නුවරඑළිය දිස්ත්‍රික්කවල සමහර ස්ථානවලට මිලිමීටර් 100 ක පමණ තද වැසි ඇති විය හැක”
මේ අතර, අනුරාධපුර දිස්ත්‍රික්කයේ ද වැසි ස්වල්පයක් අපේක්ෂා කෙරේ.
මධ්‍යම කඳුකරයේ බටහිර බෑවුම්වල, උතුරු සහ උතුරු මැද පළාත්වල සහ හම්බන්තොට සහ ත්‍රිකුණාමලය දිස්ත්‍රික්කවල ඇතැම් විට පැයට කිලෝමීටර 40 ත් 50 ත් අතර තද සුළං ඇති විය හැකි බවට කාලගුණ විද්‍යා දෙපාර්තමේන්තුව තවදුරටත් අනතුරු ඇඟවීය.
“දිවයිනේ අනෙකුත් ප්‍රදේශවල ද පැයට කිලෝමීටර 30 ත් 40 ත් අතර තරමක් තද සුළං ඇති විය හැක”
