බදාදා (16) අලුයම නීතිවිරෝධී ලෙස ඊශ්‍රායලයට ඇතුළු වීමට උත්සාහ කළ ශ්‍රී ලාංකිකයන් හත් දෙනෙකු ජෝර්දාන හමුදාව විසින් අත්අඩංගුවට ගත් බව Arab News වාර්තා කරයි.
ජෝර්දාන හමුදාව පැවසුවේ දේශසීමා හමුදා විසින් හත්දෙනා අත්අඩංගුවට ගෙන අදාළ බලධාරීන්ට භාර දුන් බවයි.
දේශසීමා සහ ජාතික ආරක්‍ෂාව ආරක්‍ෂා කිරීම සඳහා සන්නද්ධ හමුදාවන් ඇතුළුවීම හෝ ජාවාරම් කිරීමේ උත්සාහයන් සම්බන්ධයෙන් දැඩිව කටයුතු කරන බවද එම මූලාශ්‍රය වැඩිදුරටත් පැවසීය.
ජෝර්දාන-ඊශ්‍රායල් දේශසීමාවේ පසුගිය වසරවල අප්‍රිකාව, ආසියාව සහ තුර්කිය යන රටවලින් ඊශ්‍රායලයේ රැකියා ලබා ගැනීමට පැමිණෙන පිරිස් අනවසරයෙන් ඇතුළු වූ අවස්ථා දැක තිබේ.
