LK reports news sinhala

නිල නොවන ඡන්ද ප්‍රතිඵල ෆේස්බුක් දැම්මොත් වැඩ වරදී

ජනාධිපතිවරණයේදී ගණන් කිරීමේ මධ්‍යස්ථානවල ඡන්ද ප්‍රතිඵලය ඒ ඒ දේශපාලන පක්ෂවල නියෝජිතයන්ට ලබාදීමෙන් පසුව ඒවා ෆේස් බුක් ඔස්සේ පළකිරීමට කටයුතු කළහොත් ඒවා ඉවත් කිරීමට කටයුතු කරන ලෙස එම සමාගමට මැතිවරණ කොමිසම දන්වා ඇත.

ගණන් කිරීමේ මධ්‍යස්ථානවලින් ලබා දෙන ප්‍රතිඵල ඡායාරූපගත කර ෆේස් බුක් ඇතුළු සමාජ ජාලා වෙබ් අඩවිවලට නොදමන ලෙසද එම කොමිසම ඉල්ලා සිටී.

මෙය රහස්‍ය ලියවිල්ලක් බැවින් එය සමාජ මාධ්‍ය ජාලාවල ප්‍රචාරය කිරීම වැරදි කටයුත්තක් බවද මැතිවරණ කොමිසම සඳහන් කරයි. එමෙන්ම නිල නොවන ඡන්ද ප්‍රතිඵල විකාශය නොකරන ලෙස මැතිවරණ කොමිෂන් සභාව මාධ්‍ය ආයතන වලින් ඉල්ලා සිටී.

මාධ්‍ය උපමාන සහ ජනාධිපතිවරණ කාල සීමාව තුළ යහපත් මාධ්‍ය භාවිතයක් පවත්වාගෙන යාමට පෞද්ගලික මාධ්‍ය ආයතන ප්‍රධානීන් සමග ලබන සතියේදී සාකච්ඡාවක් පැවැත්වීමට නියමිත බවද මැතිවරණ කොමිසම පවසයි.

Leave a Reply

Your email address will not be published. Required fields are marked *