නිරිතදිග මෝසම් වැසි දිවයින හරහා ක්රමයෙන් ස්ථාපිත වෙමින් පවතින බව කාලගුණ විද්යා දෙපාර්තමේන්තුව පවසයි.
බස්නාහිර, සබරගමුව සහ වයඹ පළාත්වල මෙන්ම ගාල්ල, මාතර, මහනුවර සහ නුවරඑළිය දිස්ත්රික්කවල විටින් විට වැසි හෝ ගිගුරුම් සහිත වැසි අපේක්ෂා කෙරේ. ඇතැම් ස්ථානවලට මිලිමීටර් 100 ක පමණ තද වැසි ඇති විය හැක.
අනුරාධපුර දිස්ත්රික්කයේ වැසි ස්වල්පයක් අපේක්ෂා කෙරේ.
ඊට අමතරව, ඌව පළාතේ සහ අම්පාර සහ මඩකලපුව දිස්ත්රික්කවල ස්ථාන කිහිපයක පස්වරු 1.00 න් පසු වැසි හෝ ගිගුරුම් සහිත වැසි ඇති විය හැක.
මධ්යම කඳුකරයේ බටහිර බෑවුම්වල මෙන්ම උතුරු, උතුරු මැද, වයඹ සහ දකුණු පළාත්වල සහ ත්රිකුණාමලය දිස්ත්රික්කයේ ඇතැම් විට පැයට කිලෝමීටර 30-40 ක පමණ තරමක් තද සුළං අපේක්ෂා කළ හැකිය.
ගිගුරුම් සහිත වැසි සමඟ ඇතිවන තාවකාලික තද සුළං සහ අකුණු මඟින් සිදුවිය හැකි හානි අවම කර ගැනීමට අවශ්ය පියවර ගන්නා ලෙස මහජනතාවට උපදෙස් දෙනු ලැබේ.
