කොළඹ තුරඟ තරග පිටියේ තිබී කාන්තා මළ සිරුරක් සොයාගෙන තිබෙනවා.
පොලිස් මාධ්‍ය ඒකකය NewsWire වෙත පැවසුවේ ඝාතනයට ලක්ව ඇත්තේ 24 හැවිරිදි හෝමාගම ප්‍රදේශයේ පදිංචිකරුවෙකු බවට හඳුනාගෙන ඇති බවයි.
ඇය කොළඹ විශ්වවිද්‍යාලයේ ඉගෙනුම ලබන සිසුවියක් බව මූලික විමර්ශනවලදී අනාවරණය වී තිබේ.
ඝාතනයට ලක්වූ පුද්ගලයා කපා කොටා ඝාතනය කර ඇති අතර සැකකරු පිළිබඳ තොරතුරු මෙතෙක් අනාවරණය වී නොමැති බව පොලිසිය ප්‍රකාශ කළා.
මරණය සම්බන්ධයෙන් මහේස්ත්‍රාත් පරීක්ෂණය අපරාධය සිදුවූ ස්ථානයේදීම අද සිදුකිරීමට නියමිතයි.
මේ අතර, මෙම කාන්තාව ඇගේ පෙම්වතා විසින් ඝාතනය කරන්නට ඇතැයි පොලිසිය සැක කරන බව පොලිස් ආරංචි මාර්ග උපුටා දක්වමින් ලංකාදීප වාර්තා කළේය.
පෙම්වතා ප්‍රදේශයෙන් පලාගොස් ඇති බව වාර්තා වන අතර, ඝාතනය සම්බන්ධයෙන් කුරුඳුවත්ත පොලිසිය පරීක්ෂණ ආරම්භ කර තිබේ.
