ජනාධිපති වික්‍රමසිංහ අලුත් ජනවරමක් ලබා ගත යුතු බවට පාර්ලිමේන්තු මන්ත්‍රී චන්න ජයසුමන පවසයි.
ආරක්ෂාව සම්බන්ධයෙන් හෝ වෙනත් කරුණක් සම්බන්ධයෙන් නැවුම් ප්‍රතිපත්තිමය තීරණ ගැනීමට අවශ්‍ය නම් ජනාධිපති රනිල් වික්‍රමසිංහ මහතා අලුත් ජනවරමක් ඉල්ලා සිටිය යුතු බව පාර්ලිමේන්තු මන්ත්‍රී චන්න ජයසුමන මහතා අද පාර්ලිමේන්තුවේදී පැවසීය.
අයවැය කාරක සභා අවස්ථාවේ විවාදයට එක්වෙමින් ජයසුමන මන්ත්‍රීවරයා කියා සිටියේ ජනාධිපතිවරයෙකු ඉල්ලා අස්වීමෙන් පසු ඉතිරි කාලය සභාවෙන් තේරී පත්වන අයෙකුට වසර හතරහමාරකින් පසු මැතිවරණයකට යා හැකිද යන්න පැහැදිලි නොමැති බවයි. “මෙය නිෂ්කාශනය කර ගැනීමට අධිකරණයෙන් මතය විමසිය යුතුය,” ඔහු පැවසීය.
වත්මන් ජනාධිපතිවරයාට කඩිනමින් ජනාධිපතිවරණයකට යාමට අවශ්‍ය ප්‍රතිපාදන ලබා දීම සඳහා පෞද්ගලික මන්ත්‍රී යෝජනාවක් ගෙන ඒමට මම සූදානම් බව ඔහු වැඩිදුරටත් පැවසීය.
වත්මන් ජනාධිපතිවරයා 1994, 2004 සහ 2019 වසර වලදී පරාජයට පත්වී ඇති බවත්, එබැවින් ඔහුගේ ප්‍රතිපත්ති ක්‍රියාත්මක කිරීමට තමාට ජනවරමක් නොමැති බවත් ඔහු පැවසීය. ඒ අනුව වත්මන් ජනාධිපතිවරයා නැවුම් ජනාධිපතිවරණයකට යා යුතු බවද ඔහු කියා සිටියා.
“ජනාධිපතිවරණයකින් ජයග්‍රහණය කළ තැනැත්තා දිවුරුම් දී ආපසු ගෙදර යමින් සිටියදී මිය ගියහොත් පාර්ලිමේන්තු මන්ත්‍රීවරුන්ට නව ජනාධිපතිවරයකු පත් කර ගැනීමට සිදුවේ. මෙය ප්‍රජාතන්ත්‍රවාදයේ මූලධර්මවලට පටහැනියි.
