ජනපති පළමු විදෙස් සංචාරය අරඹයි – පිටත්ව ගියේ සාමාන්‍ය මගී පර්‍යන්තයෙන්

ජනාධිපති ගෝඨාභය රාජපක්ෂ මහතා ජනාධිපති ධූරයට පත්ව සිදුකරන පළමු විදෙස් සංචාරය අරඹමින් දෙදින රාජ්‍ය සංචාරයක් සඳහා ඉන්දියාව බලා පිටත්ව ගියේය.

අද පස්වරු 2.05ට පමණ කටුනායක ජාත්‍යන්තර ගුවන්තොටුපොළේ සිට යූ.එල්.195දරණ යානයෙන් ජනාධිපතිවරයා ඉන්දියාවේ නවදිල්ලි නුවර බලා පිටත්ව ගිය බව වාර්තා වේ.

ජනාධිපති ගෝඨාභය රාජපක්ෂ මහතාගේ සංචාරය සඳහා ජනාධිපති ලේකම් ආචාර්ය පී.බී ජයසුන්දර, විදේශ කටයුතු අමාත්‍යංශ ලේකම් රවිනාත් ආරියසිංහ, භාණ්ඩාගාර ලේකම් එස්.ආර්.ආටිගල, ජනාධිපති උපදේශ ලලිත් වීරතුංග සහ ජනාධිපති පෞද්ගලික ලේකම් සුගීෂ්වර බණ්ඩාර යන මහත්වරු සහභාගී වී සිටිති.

ඉන්දීය අග්‍රාමාත්‍ය නරේන්ද්‍ර මෝදි මහතාගේ ආරාධනයක් මත ජනාධිපති ගෝඨාභය රාජපක්ෂ මහතා මෙම සංචාරයේ නිරත වන අතර සිය දෙදින රාජ්‍ය සංචාරය තුළදී ජනාධිපති ගෝඨාභය රාජපක්ෂ මහතා ඉන්දීය ජනාධිපතිවරයා සහ අගමැතිවරයා සමඟ මෙන්ම ඉන්දීය රජයේ ඉහළ පෙළේ නියෝජිතයින් සමඟ ද සාකච්ඡා පැවැත්වීමට නියමිත ඇත.

කටුනායක ගුවන් තොටුපොළේ සාමාන්‍ය මගී පර්යන්තයෙන් ඒ මහතා පිටත්ව ගිය බවත් වාර්තා වේ.

Leave a Reply

Your email address will not be published. Required fields are marked *