ජපාන රජයේ මූල්යාධාර යටතේ රුපියල් මිලියන 168ක වියදමින් ඉදිකරන ලද කොළඹ වරායේ නව පස් මහල් වරාය සෞඛ්ය කාර්යාලය සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතා විසින් විවෘත කරන ලදී.
මෙම පහසුකම ශ්රී ලංකාවේ දේශසීමා සෞඛ්ය ආරක්ෂාව ශක්තිමත් කිරීමේ අරමුණින් ජාත්යන්තර සංක්රමණ සංවිධානය (IOM) විසින් ක්රියාත්මක කරන ලද ව්යාපෘතියක් යටතේ ඉදිකර ඇත.
නව වරාය සෞඛ්ය කාර්යාලය හරහා වරාය මාර්ගයෙන් රටට ඇතුළුවිය හැකි මහජන සෞඛ්ය අවදානම් හඳුනා ගැනීමේ හැකියාව වැඩිදියුණු කිරීම, බෝවන රෝග නිරීක්ෂණ කටයුතු ශක්තිමත් කිරීම, නිරෝධායන මෙහෙයුම් සඳහා සහාය ලබාදීම සහ මහජන සෞඛ්ය හදිසි අවස්ථාවලට වේගයෙන් ප්රතිචාර දැක්වීමේ හැකියාව වර්ධනය කිරීම අපේක්ෂා කෙරේ.
ශ්රී ලංකාව ආර්ථික ප්රකෘතිකරණ මාවතේ ඉදිරියට යන අතරතුර, මහජන සෞඛ්යය මෙන්ම රටේ ආර්ථික ආරක්ෂාව ආරක්ෂා කිරීම සඳහා මෙම ආයෝජනය ඉදිරියේදී වැඩි වැදගත්කමක් හිමි කරගනු ඇති බව අමාත්යවරයා පැවසීය.
මෙම අවස්ථාවට වරාය හා සිවිල් ගුවන් සේවා අමාත්ය අනුර කරුණාතිලක මහතා, ශ්රී ලංකාවේ ජපාන තානාපති අකියෝ ඉසොමතා මහතා, ශ්රී ලංකාව සහ මාලදිවයින සඳහා වන IOM ප්රධානී ක්රිස්ටීන් පාර්කෝ මහත්මිය, සෞඛ්ය අමාත්යාංශයේ ජ්යෙෂ්ඨ නිලධාරීන් සහ ශ්රී ලංකා වරාය අධිකාරියේ නියෝජිතයින් එක්ව සිටියහ.
