සාහිත්‍ය මාසය වෙනුවෙන් ශ්‍රී ලංකා පොත් ප්‍රකාශකයන්ගේ සංගමය සෑම වර්ෂයකදීම සංවිධාන කරන ‘කොළඹ ජාත්‍යන්තර පොත් ප්‍රදර්ශනය’ මෙවරත් මේ මස 27 වැනිදා සිට ඔක්තෝබර් 6 දින දක්වා කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලා පරිශ්‍රයේදී පැවැත්වේ.
ඒ අනුව ප්‍රදර්ශනය ආරම්භ වන දින සිට එය අවසන් වන දින දක්වා සෑම දිනකම පෙ.ව. 9.00 සිට ප.ව. 9.00 දක්වා පොත් ප්‍රදර්ශයය ජනතාව වෙනුවෙන් විවෘතව තැබේ. 25 වැනි වරටත් සංවිධාන කර ඇති මේ පොත් ප්‍රදර්ශනය සඳහා දෙස් විදෙස් පොත් ප්‍රකාශන ආයතන රැසක් තම ප්‍රදර්ශන කුටි එක් කරන අතර, විශේෂ වට්ටම් සහිත සහනදායි මිලට එම ප්‍රකාශන ආයතනවල පොත් අලෙවි කිරීමටද කටයුතු යොදා ඇත.
