ප්‍රවාහන අමාත්‍ය බන්දුල ගුණවර්ධන සහ ශ්‍රී ලංකාවේ ඉන්දීය මහ කොමසාරිස් ගෝපාල් බග්ලේ යන මහත්වරුන්ගේ ප්‍රධානත්වයෙන් උතුරු දුම්රිය මාර්ගයේ මහව – ඕමන්ත දක්වා කොටස ප්‍රතිසංස්කරණය කිරීමේ කටයුතු අද ආරම්භ විය.
මැදවච්චිය දුම්රිය ස්ථානය ආසන්නයේදී සමාරම්භක උත්සවය පැවති බවයි රජයේ ප්‍රවෘත්ති දෙපාර්තමේන්තුව සඳහන් කළේ.
රු. බිලියන 33 ක ව්‍යාපෘතියක් ඉන්දීය රජය විසින් ලබා දෙන ණයක් යටතේ සිදු කෙරේ.
ශ්‍රී ලංකාවේ සංවර්ධන ව්‍යාපෘති කිහිපයකටම සම්බන්ධ වී සිටින ඉන්දීය සමාගමක් වන IRCON International මෙම දුම්රිය ප්‍රතිසංස්කරණ ව්‍යාපෘතිය ද මෙහෙයවයි.
