LK reports news sinhala

ඇගේ කඳුළ බර වැඩිවෙයි – පොඩි පොඩි සංශෝධන එපා කියයි

මුස්ලිම් විවාහ හා දික්කසාද පනත සංශෝධනය වීමේදී විවාහ වීමේ වයස් සීමාව අවුරුදු 18 දක්වා සංශෝධනය විය යුතු බව අලුත් පියාපත් සංවිධානය පවසයි.

අලුත් පියාපත් සංවිධානය විසින් මෙහෙයවන ලද ‘ඇගේ කඳුළ බර වැඩියි‘ තේමාව යටතේ පැවැත්වුණු විද්වත් කතිකාවකදී මේ බව අවධාරණය කෙරිණි.

මුස්ලිම් අන්තවාදීන් විසින් එල්ල කරන ලද පාස්කු ඉරු දින ප්‍රහාරයෙන් පසු උද්ගත වූ වාතාවරණය තුළ මුස්ලිම් විවාහ වලට අදාලව නීතිමය කටයුතු සිදු කරන කාති උසාවි සම්බන්ධයෙන් කතාබහක් නිර්මාණය වු අතර එම බලපෑම් හමුවේ මුස්ලිම් විවාහ හා දික්කසාද පනත සංශෝධනය කිරීම සම්බන්ධයෙන් පාර්ලිමේන්තුවේ මුස්ලිම් මැතිඇමතිවරුන් අතර සාකච්ඡා සිදු විය. පසුව ඒ සඳහා කැබිනට් අනුමැතියද හිමිවිය.

මෙම සංවාදයට පැමිණි අයෙක් ද මුස්ලිම් විවාහ හා දික්කසාද පනත සංශෝධන පිළිබඳ අදහස් පළ කිරීමේදී උණුසුම් තත්ත්වයක් ඇති වු අතර එහිදී හිටපු ඇමැතිනි ෆේරියල් අෂරොෆ් මහත්මිය අදහස් දක්වමින් දික්කසාද වූ පසු දරුවන්ගේ භාරකරු සම්බන්ධයෙන් ගැටලුවක් ඇති වන බවත් නඩත්තු ගෙවන්නේ කවුද යන්නත් ඇය විමසා සිටියාය.

මුස්ලිම් විවාහ නීතියට පොඩි පොඩි වෙනස්කම් නොකරන ලෙසත් තමන් ඉල්ලන සියලුම සංශෝධන එකට එකතු කර මුස්ලිම් විවාහ හා දික්කසාද නීතිය සංශෝධනය කරන ලෙසද මුස්ලිම් කාන්තාවට තවදුරටත් කඳුළු බරින් සිටීමට නොහැකි බවද ඇය කියා සිටියාය.

Leave a Reply

Your email address will not be published.