ශ්රී ලංකා පොදුජන පෙරමුණේ (SLPP) ජාතික සංවිධායක සහ පාර්ලිමේන්තු මන්ත්රී නාමල් රාජපක්ෂ මහතා අල්ලස් හෝ දූෂණ චෝදනා විමර්ශනය කිරීමේ කොමිෂන් සභාව (CIABOC) විසින් අත්අඩංගුවට ගෙන තිබේ.
රාජපක්ෂ මහතා සිකුරාදා පෙරවරුවේ කැඳවීමකට අනුව අල්ලස් කොමිසම හමුවේ පෙනී සිටීමෙන් අනතුරුව මෙලෙස අත්අඩංගුවට ගෙන ඇත.
ශ්රීලංකන් ගුවන් සේවය සඳහා පුළුල් බඳ සහිත ගුවන් යානා (wide-body aircraft) මිලදී ගැනීම සම්බන්ධයෙන් සිදුවූ බව කියන අල්ලස් සිද්ධියක් පිළිබඳව දැනට සිදු කෙරෙන විමර්ශනයකට අදාළව මෙම අත්අඩංගුවට ගැනීම සිදුකර ඇති බව වාර්තා වේ.
