ජාතික ජල සම්පාදන හා ජලාපවහන මණ්ඩලය (NWSDB) විසින් කොළඹ සහ කළුතර දිස්ත්රික්කවල ප්රදේශ කිහිපයකට අද (අගෝස්තු 4) නියමිත ජල සැපයුම් අත්හිටුවීම් සිදුකරන බව නිවේදනය කර තිබේ.
ඒ අනුව ජල සැපයුම අත්හිටුවන ප්රදේශ සහ වේලාවන් මෙසේය.
මොරටුව: පෙරවරු 9.00 සිට පස්වරු 2.00 දක්වා පැය 5ක්. කොරලවැල්ල, කටුකුරුන්ද, මෝදර, මඩම්ගහවත්ත, පොල්වත්ත, ශ්රියා මාවත, ක්ලෝවියස් මාවත, ගුණවර්ධනාරාම පාර, ලේක් විලා, ශාන්ත පීතර පටුමග, පී.එම්. ප්රනාන්දු මාවත, මහවිදාන මාවත, ජනජය පාර, ශාන්ත පීතර පාර, ෆ්රැන්සිස්කෝ පෙදෙස, එගොඩ උයන සහ මෙල්විල්වත්ත ඇතුළු ප්රදේශ.
පානදුර: පෙරවරු 9.00 සිට පස්වරු 2.00 දක්වා පැය 5ක්. පානදුර, කිරිබේරිය, හිරණ, කෙසෙල්වත්ත සහ පිංවත්ත.
බණ්ඩාරගම: පෙරවරු 9.00 සිට රාත්රී 9.00 දක්වා පැය 12ක්. බණ්ඩාරගම, රයිගම, මිල්ලණිය, වල්මිල්ල, කිඩෙල්පිටිය, අළුබෝමුල්ල සහ මොරොන්තුඩුව.
හොරණ: පස්වරු 4.00 සිට රාත්රී 9.00 දක්වා පැය 5ක්. හොරණ, මදුරාවල සහ පොරුවදණ්ඩ.
කළුබුක: පස්වරු 4.00 සිට රාත්රී 9.00 දක්වා පැය 5ක්. කළුබුක, ගෝනපොල, කහතුඩුව සහ කිරිවත්තුඩුව.
ඉංගිරිය: පස්වරු 4.00 සිට රාත්රී 9.00 දක්වා පැය 5ක්. ඉංගිරිය සහ නම්බපාන.
පිළියන්දල: අද (අගෝස්තු 4) පස්වරු 4.00 සිට හෙට (අගෝස්තු 5) පෙරවරු 8.00 දක්වා පැය 16ක්. පිළියන්දල, වේරහැර, මඩපාත, හොන්නන්තර, කැස්බෑව, පොල්ගස්ඕවිට, කහපොල, මොරටුව පාර, කොස්පලන, ගංගාරාම පාර සහ නීලම්මහර ඇතුළු ප්රදේශ.
නියමිත ජල සැපයුම් අත්හිටුවීම හේතුවෙන් ඇතිවිය හැකි අපහසුතා අවම කරගැනීම සඳහා අවශ්ය ජලය කල්තියා රැස්කර තබා ගන්නා ලෙස NWSDB බලපෑමට ලක්වන ප්රදේශවල පාරිභෝගිකයන්ගෙන් ඉල්ලා සිටී.
