ඉන්ධන සහ බලශක්ති භාවිතය පිළිබඳ නව මාර්ගෝපදේශ
අත්‍යවශ්‍ය සේවා කොමසාරිස් ජනරාල් කාර්යාලය ඉන්ධන සහ බලශක්ති භාවිතය පිළිබඳ නව මාර්ගෝපදේශ නිකුත් කර ඇති අතර, එහිදී ජාතික විදුලිබල පද්ධතියෙන් විදුලිය ලබා නොගෙන 100 කට වැඩි පිරිසකගේ සහභාගීත්වයෙන් මුළු රාත්‍රී උත්සව සහ සංගීත සංදර්ශන පැවැත්වීමට උපදෙස් නිකුත් කර ඇත.
මාර්ගෝපදේශයන්ට අනුව, සියලුම රජයේ සහ ව්‍යවස්ථාපිත ආයතනවල සියලුම වායු සමීකරණ යන්ත්‍ර සවස 3 ට ක්‍රියා විරහිත කිරීමට පියවර ගත යුතුය.
පෞද්ගලික අංශයෙන් ද මෙම පිළිවෙත අනුගමනය කරන ලෙස ඉල්ලා ඇත.
වාණිජ ප්‍රවර්ධනය සඳහා විවිධ ස්ථානවල සවිකර ඇති ආලෝකමත් වෙළඳ දැන්වීම් පුවරු සහ තිර රාත්‍රී 8 න් පසු නිවා දැමිය යුතුය.
පළාත් පාලන ආයතන විසින් සවස 6 සිට රාත්‍රී 10 දක්වා වීදි ලාම්පු නිවා දැමීමට සුදුසු වැඩසටහන් ක්‍රියාත්මක කළ යුතු බව ද මාර්ගෝපදේශවල සඳහන් විය.
සියලුම අමාත්‍යාංශ ලේකම්වරුන්ට, සියලුම පළාත් ප්‍රධාන ලේකම්වරුන්ට, සියලුම දිස්ත්‍රික් ලේකම්වරුන්ට සහ සියලුම ව්‍යවස්ථාපිත ආයතන ප්‍රධානීන්ට මාර්ගෝපදේශ නිකුත් කර ඇත.
