අපේක්ෂා කරන එල්නිනෝ දේශගුණික සංසිද්ධිය පිළිබඳව රජය සමීපව නිරීක්ෂණය කරමින් සිටින අතර එහි ඇති විය හැකි බලපෑම්වලට විසඳුම් සෙවීමට සැලසුම් සකස් කරමින් සිටින බව කැබිනට් ප්රකාශක සහ සෞඛ්ය අමාත්ය වෛද්ය නලින්ද ජයතිස්ස මහතා ඊයේ (16) පැවසීය.
සතිපතා පැවැත්වෙන කැබිනට් මාධ්ය හමුවට එක්වෙමින් වෛද්ය ජයතිස්ස කියා සිටියේ කාලගුණ රටාවේ ඇති විය හැකි බලපෑම් තක්සේරු කර සුදුසු ප්රතිචාර සකස් කිරීම සඳහා ජනාධිපති අනුර කුමාර දිසානායකගේ ප්රධානත්වයෙන් දැනටමත් සාකච්ඡා වට කිහිපයක් පවත්වා ඇති බවයි.
මතුවිය හැකි අභියෝග අවම කර ගැනීම සඳහා අමාත්යාංශ මට්ටමින් ක්රියාත්මක කළ හැකි ක්රියාමාර්ග පිළිබඳව ද අමාත්යවරුන් සාකච්ඡා කර ඇති බව ඔහු සඳහන් කළේය.
කාලගුණ විද්යා දෙපාර්තමේන්තුව මගින් නිකුත් කරන අනාවැකි පිළිබඳව රජය දැඩි අවධානයක් යොමු කරමින් ඉදිරි වසර තුළ ඇති විය හැකි කාලගුණික තත්ත්වයන් මත හදිසි සැලසුම් සකස් කරමින් සිටින බවද අමාත්යවරයා සඳහන් කළේය.
