විශ්රාමික ශ්රී ලංකා යුද හමුදා නිලධාරීන් තිදෙනෙකු ශ්රී ලංකාව සහ ඉන්දියාව අතර මිත්රත්වය ප්රවර්ධනය කිරීමේ අරමුණින් කොළඹ-චෙන්නායි-කොළඹ කිලෝමීටර් 1,400කට ආසන්න දුරක් පාපැදියෙන් ගමන් කිරීමේ අභියෝගාත්මක සවාරිය සාර්ථකව නිම කර තිබේ.
මේ සඳහා මේජර් ජෙනරාල් සුමිත් බාලසූරිය, මේජර් ජෙනරාල් සුමිත් ප්රේමලාල් සහ කර්නල් ප්රදීප් පෙරේරා එක්ව සිටි අතර, ඔවුන් චෙන්නායිහි පැවති කිලෝමීටර් 20ක “Bond and Ride – India & Sri Lanka” මිත්රත්ව පාපැදි සවාරියටද ඉන්දීය පාපැදිකරුවන් 30කට පමණ එක්ව සහභාගී වී තිබේ.
බෙසන්ට් නගර් වෙරළ තීරයෙන් ආරම්භ වූ මෙම පාපැදි සවාරිය සාන්තෝම්, මරීනා වෙරළ සහ අන්නා සාලෙයි හරහා ගමන් කර ඇති අතර, සහභාගී වූ පිරිස ශ්රී ලංකා සහ ඉන්දීය ජාතික ධජ රැගෙන ගමන් කර ඇත.
චෙන්නායිහි ශ්රී ලංකා නියෝජ්ය මහ කොමසාරිස්වරයා විසින් ඉදිරිපත් කළ යෝජනාවකට අනුව Team Bison විසින් සංවිධානය කළ මෙම වැඩසටහන මගින් “සෞඛ්යය වෙනුවෙන් පාපැදියෙන්” සහ “මත්ද්රව්යවලට එපා කියමු” යන පණිවිඩද ප්රවර්ධනය කර තිබේ.
