වූහාන්හි සිටි ලාංකික සිසුන් මත්තල ගුවන්තොටින් ශ්‍රී ලංකාවට
නවල් කොරෝනා වෛරසය ඇතිවූ චීනයේ වුහාන් නගරයේ රැඳී සිටින ශ්‍රී ලාංකික සිසුන් මෙරටට රැගෙන ඒම සඳහා පිටත්ව ගිය ශ්‍රී ලන්කන් ගුවන් යානය තවත් සුළු මොහොතකින් මත්තල ගුවන්තොටුපොළට පැමිණිමට නියමිතව ඇතැයි වාර්තා වේ.
වූහාන්හි රැදී සිටි ශ්‍රි ලාංකික සිසුන් 33 දෙනා ද රැගෙන ඒම සඳහා ශ්‍රි ලංකන් ගුවන් සේවයට අයත් යූ.එල් 1422 දරණ විශේෂ ගුවන් යානයන ඊයේ (31) පස්වරුවේ කටුනායක ගුවන් තොටුපළෙන් පිටත්ව ගොස් තිබුණි. එම ගුවන් යානය ඊයේ රාත්‍රී 09.20ට පමණ වුහාන් ගුවන්තොටුපෙළ වෙත ගොඩබස්වනු ලැබීය.
පසුව එම ගුවන් යානය එහි සිටි ශ්‍රී ලාංකික සිසුන් ද රැගෙන වූහාන් ගුවන්තොටුපොළෙන් ඊයේ රාත්‍රීයේ ශ්‍රී ලංකාව බලා පිටත්ව තිබුණි. මෙරටට පැමිණෙන සිසුන් දියතලාව යුද හමුදා රෝහලට ඇතුළත් කිරිමට නියමිත අතර එහි සති දෙකක පමණ කාලක් එහි රදවා තැබිමට නියමිතයි. සිසුන් රැගෙන යාම සඳහාම විශේෂිත බස් රථයක් යොදවා ඇති අතර මත්තල සිට ඔවුන් කිසිදු ස්ථානයක නතර නොකර දියතලාව යුද හමුදා රෝහලට ඇතුළත් කිරීමට නියමිත අතර එම බස් රථය තුළම වැසිකිළි පහසුකම් පවා සකස් කොට ඇතැයි සෞඛ්‍ය අමාත්‍ය පවිත්‍රා වන්නිආරච්චි මහත්මිය ප්‍රකාශ කළාය.
