ලෙබනනයේ, බීරූට් අගනුවර වරාය පරිශ්රයේදී ඊයේ (04) සිදුවූ දැවැන්ත පිපිරීමකින් පුද්ගලයන් 78 දෙනෙකු මියගොස් තවත් පුද්ගලයින් 4,000කට ආසන්න සංඛ්යාවක තුවාල ලබා ඇතැයි විදෙස් මාධ්ය වාර්තා කරයි.
බෝම්බ පිපිරීමත් සමග මුළු නගරය දුම් වළාවකින් වැසී ගිය අතර, ගොඩනැගිලි ගණනාවක් සෙලවීමට ලක්ව කිලෝමීටර් ගණනාවක් දුරින් පිහිටි ගොඩනැගිලිවල පවා වීදුරු බිදී ගොස් ඇතැයි තොරතුරු වාර්තා වේ. මෙම පිපිරිමෙන් පසු හදිසි කැබිනට් රැස්වීමක් කැඳවමින් එරට ජනාධිපති Michel Aoun සඳහන් කර ඇත්තේ දින 14ක් කාලයක් සඳහා රටේ හදිසි නීතිය බලපැවැත්වෙන බවටයි.
මේ වනවිට සිදුකර ඇති මුලික විමර්ෂණ වලදි හෙළිව ඇත්තේ වසර 06ක් පුරා රාජසන්තක කොට ගබඩා කර තිබු ඇමෝනියම් නයිට්රේට් ටොන් 2,700ක් අසුරා තිබු ගබඩාවක මෙම පිපිරීම සිදුව ඇති බවටයි. පිපිරීම සම්බන්ධයෙන් අමෙරිකානු ජනාධිපති ඩොනල්ඩ් ට්රම්ප් පවසා ඇත්තේ මෙම ප්රහාරය කිසියම් ආකාරයක සාමාන්ය පිපිරීමක් නොවන බවට අනුමාන කළ හැකි බවත්, එය යම් ප්රහාරයක ස්වරූපයක් හැඟවෙන බවටත් එරට හමුදා නිලධාරීන්ගේ අදහස වූ බවයි.