පොලිසියේ විෂමාචාරයන්ට එරෙහිව මහජන පැමිණිලි 9,000කට අධික ප්‍රමාණයක්…
පසුගිය වසර පහ තුළ ශ්‍රී ලංකා පොලිසියට එරෙහිව ජාතික පොලිස් කොමිසම (NPC) වෙත මහජන පැමිණිලි නවදහස් දෙසිය අනූපහක් ඉදිරිපත් කර ඇති බව ලේඛන පෙන්වා දෙයි.
නීතිවිරෝධී අත්අඩංගුවට ගැනීම්, අසත්‍ය චෝදනා, පහරදීම්, වධහිංසා පැමිණවීම්, පක්ෂග්‍රාහීත්වය, බලය අයුතු ලෙස භාවිත කිරීම, මෙන්ම පොලිසියේ අකාර්යක්ෂමතාව වැනි සිද්ධීන් මෙම පැමිණිලිවලට ඇතුළත් ය.
කෙසේ වෙතත්, ලේඛකයා විසින් RTI මගින් ලබාගත් තොරතුරුවලට අනුව, NPC හි කිසිදු ප්‍රගතියක් නොමැතිව සිරවී ඇති පැමිණිලි අනුපාතය වසර ගණනාවක් තිස්සේ වැඩිවෙමින් පවතී. 2017 වසරේ සිට 2022 දෙවන කාර්තුව දක්වා, නොවිසඳුණු මුළු පැමිණිලි සංඛ්‍යාව පිළිවෙලින් 5, 21, 96, 276, 1344 සහ 713 කි. ප්‍රමාදය ගැන විමසූ විට, NPC Covid-19 වසංගතයට දොස් පැවරීය.
NPC වෙත 2018 වර්ෂයේ දී රුපියල් 127, 764,000 ක අයවැය ප්‍රතිපාදන ලැබී ඇති අතර එය 2015 වසරේ ලැබුණු ප්‍රමාණය මෙන් දෙගුණයකටත් වඩා වැඩිය — රුපියල් 47, 030,000. විසඳන ලද නඩු පවා තාක්ෂණික වශයෙන් විසඳා නැත. NPC හි මූලාශ්‍රයකින් හෙළි වූයේ විසඳා ගත් සිද්ධීන් සැලකිය යුතු ප්‍රමාණයක් අගතියට පත් පාර්ශ්වයන් “ඔවුන් හොඳින්ම දන්නා හේතු නිසා” විමර්ශනයට දායක වීම නැවැත්වූ ඒවා බවයි. පැමිණිලිකරු තවදුරටත් පරීක්ෂණයට සහභාගී නොවන විට, “සාක්ෂි නොමැතිකම” හේතුවෙන් NPC එවැනි නඩු හඹා යෑම නතර කරයි.
2015 ඔක්තෝම්බර් මාසයේදී 19 වන ආණ්ඩුක්‍රම ව්‍යවස්ථා සංශෝධනය යටතේ ජාතික පොලිස් කොමිෂන් සභාව පිහිටුවන ලද්දේ පොලීසියේ නීති විරෝධී ක්‍රියාවන්ගෙන් සහ/හෝ අකාර්යක්ෂමතාවයෙන් මහජනතාව ආරක්ෂා කිරීමේ මෙහෙවරක් සමඟිනි.
වසර ගණනාවක් පුරා කොමිෂන් සභාවේ කාර්ය සාධනය වඩාත් ප්‍රශ්නකාරී වනු දැකීමට පමණක් NPC හි මෙහෙයුම් පවත්වාගෙන යාමට වාර්ෂිකව වැඩි වැඩියෙන් මහජන මුදල් වැය කෙරේ.
