28 හැවිරිදි සිය පුතුට පහර දී ඝාතනය කළ මව පියා ඇතුළු එකම පවුලේ සිව්දෙනෙකු හසලක පොලීසිය විසින් අත්අඩංගුවට ගෙන තිබේ.
එම අවාසනාවන්ත සිද්ධියෙන් මියගිය තරුණයාගේ බිරිඳ සහ සිඟිති දියණියන් දෙදෙනාට මේ වන විට කිසිදු පිහිටක් නොමැති තත්ත්වයක් උදා වී තිබේ.
හසලක 7 ඇළ ප්‍රදේශයේ පදිංචි 28 හැවිරිදි සුනිල් නිශ්ශංක අවුරුදු 3ක් සහ සති 3ක් වයසැති සිඟිති දියණියන් දෙදෙනෙකුගේ පියෙකි.
සුනිල් සිය දරු පවුල සමඟ ඔහුගේ මව්පියන්ට අයත් නිවසේ පිටුපස කුඩා කාමරයක ජීවත්විය.
ස්ථිර රැකියාවක් නොතිබූ සුනිල් සිය දරු පවුල ජීවත් කරවූයේ කුලී වැඩ කරමිනි.
පවුලේ ආරවුලක් දුරදිග යාමෙන් සුනිල්ගේ පියා සහ සුනිල්ගේ නැගණියගේ සැමියා පසුගිය අඟහරුවාදා රාත්‍රියේ තම ස්වාමියාට පොලුවලින් පහරදුන් බව සුනිල්ගේ බිරිඳ පවසයි.
