නිවාස, ව්යාපාරික ස්ථාන හෝ වෙනත් දේපළ කුලියට දීමේදී කුලීකරුවන් පිළිබඳ නිසි පසුබිම් පරීක්ෂාවක් සිදු කර අවධානයෙන් කටයුතු කරන ලෙස පොලිසිය දේපළ හිමියන්ගෙන් ඉල්ලා සිටී.
මාධ්ය වෙත අදහස් දක්වමින් පොලිස් ජ්යෙෂ්ඨ නියෝජ්ය පොලිස්පති සජීව මැදවත්ත මහතා පැවසුවේ මත්ද්රව්ය, ආයුධ සහ අපරාධ ක්රියාකාරකම්වලට සම්බන්ධ වෙනත් ද්රව්ය කුලියට ලබාදී ඇති දේපළවලින් නිරන්තරයෙන් සොයා ගන්නා බවයි.
අනාගත කුලීකරුවන්ගේ පසුබිම පිළිබඳ නිසි පරීක්ෂාවකින් තොරව ඇතැම් දේපළ හිමියන් තම ස්ථාන කුලියට ලබාදෙන බවද ඔහු සඳහන් කළේය.
එමෙන්ම, තම දේපළ තුළ අපරාධ ක්රියාකාරකම් සිදුවුවහොත්, අදාළ තත්ත්වය සහ බලපවත්වන නීති අනුව දේපළ හිමියන්ටද නීතිමය ප්රතිවිපාකවලට මුහුණ දීමට සිදුවිය හැකි බව පොලිසිය අනතුරු අඟවා තිබේ.
තම ප්රදේශවල සැකසහිත පුද්ගලයන් හෝ ක්රියාකාරකම් පිළිබඳව පොලිසිය දැනුවත් කරන ලෙසද මහජනතාවගෙන් ඉල්ලා සිටින අතර, විශේෂයෙන් ප්රදේශයට නුහුරු පුද්ගලයන් නිතර දක්නට ලැබෙන අවස්ථාවල ඒ පිළිබඳ අවධානය යොමු කරන ලෙස පොලිසිය සඳහන් කරයි.
මත්ද්රව්ය ජාවාරම ඇතුළු අපරාධ හඳුනාගැනීමට සහ වැළැක්වීමට මහජන සහයෝගය වැදගත් කාර්යභාරයක් ඉටු කර ඇති බවද ජ්යෙෂ්ඨ නියෝජ්ය පොලිස්පති සජීව මැදවත්ත මහතා පැවසීය.
ශ්රී ලංකාවේ නීති විරෝධී මත්ද්රව්ය භාවිතය හා ව්යාප්තිය අවම කරමින් මහජනතාව ආරක්ෂා කිරීම රජය ක්රියාත්මක කරමින් සිටින අඛණ්ඩ මත්ද්රව්ය විරෝධී වැඩපිළිවෙළේ අරමුණ බවද ඔහු වැඩිදුරටත් සඳහන් කළේය.
