ශ්‍රී ලංකා කාන්තා රග්බි කණ්ඩායමේ නායිකා දුලානි පල්ලිකොන්දගේ දකුණු කොරියාවේදී අතුරුදන්ව ඇතැයි වාර්තා වේ.
ඩේලි නිවුස් පුවත්පතට අනුව ඊයේ දකුණු කොරියාවේ ඉන්චියොන්හිදී අවසන් වූ ආසියානු සත් සාමාජික රග්බි තරගාවලියේ දෙවැනි අදියරෙන් පසු දුලානි පල්ලිකොන්දගේ අතුරුදන්ව ඇතැයි වාර්තා වේ.
ඇය අවසන් වරට හමුවූයේ ශ්‍රී ලංකා පිරිමි කණ්ඩායම සහ පිලිපීනය අතර තුන්වන ස්ථානය සඳහා පැවති තරඟයේදී බව සඳහන් කරමින් ශ්‍රී ලංකා කණ්ඩායමේ ආරංචි මාර්ග සඳහන් කළේ ඉන් අනතුරුව ඇය අතුරුදන්ව ඇති බවයි.
ශ්‍රී ලංකා කාන්තා කණ්ඩායමේ කළමනාකාරිනී වෛද්‍ය සමන්තා නානායක්කාර දුලානි සම්බන්ධ කර ගැනීමට අසාර්ථක උත්සාහයන් කිහිපයක් ගත් බව පැවසේ.
ලන්ඩනයේ පැවැත්වෙන පොදුරාජ්‍ය මණ්ඩලීය ක්‍රීඩා උළෙලත් සමඟ මේ වසරේ ශ්‍රී ලාංකික ක්‍රීඩක ක්‍රීඩිකාවන් කිහිප දෙනෙකු අතුරුදන් වී ඇති බව වාර්තා වේ.
බර්මින්හැම් හි ශ්‍රී ලංකාවේ පොදුරාජ්‍ය මණ්ඩලීය ක්‍රීඩා සංචිතයේ සාමාජිකයින් දස දෙනෙකු අගෝස්තු මාසයේදී අතුරුදහන් වූ බව වාර්තා විය. මෙම කණ්ඩායම ක්‍රීඩක ක්‍රීඩිකාවන් නව දෙනෙකුගෙන් සහ කළමනාකරුවෙකුගෙන් සමන්විත විය.
ශ්‍රී ලංකා යුද හමුදා රග්බි කණ්ඩායමේ සාමාජිකාවක් වන දුලානි පල්ලිකොන්දගේ ජාත්‍යන්තර ක්‍රීඩා උළෙලක් අතරතුර අතුරුදන් වූ නවතම ශ්‍රී ලාංකික ක්‍රීඩිකාවයි.
