“අඛණ්ඩ සදාචාර සංස්කෘතියක් – පිරිසිදු ශ්රී ලංකාවක්” යන තේමාව යටතේ ප්රකාශයට පත් කළ ජාතික සදාචාර සතිය ජූලි 27 ශ්රී ලංකාවේදී ආරම්භ කෙරිණි.
ජූලි 27 සිට 31 දක්වා ක්රියාත්මක වන මෙම වැඩසටහන පෙරවරු 9.00ට ජනාධිපති ලේකම් කාර්යාලයේ සහ දිවයින පුරා සියලුම රාජ්ය ආයතනවල ජාතික සදාචාර ප්රතිඥාව ලබාදීම සහ නව ආචාර ධර්ම සංග්රහයක් හඳුන්වාදීම සමඟින් නිල වශයෙන් ආරම්භ විය.
ජනාධිපති ලේකම් ආචාර්ය නන්දික සනත් කුමනායක මහතාගේ අත්සනින් නිකුත් කළ චක්රලේඛයකට අනුව මෙම වැඩසටහන ජනාධිපති ලේකම් කාර්යාලය සහ “පිරිසිදු ශ්රී ලංකා” වැඩසටහන එක්ව ක්රියාත්මක කරනු ලබයි.
රාජ්ය සේවයේ ගුණාත්මකභාවය, කාර්යක්ෂමතාව සහ විනිවිදභාවය ඉහළ නැංවීම මෙන්ම දූෂණයෙන් තොර පාලන පද්ධතියක් ගොඩනැගීම මෙම වැඩසටහනේ ප්රධාන අරමුණ බව සඳහන් වේ.
ජාතික සදාචාර සතියේ දිනපතා වැඩසටහන් පහත තේමාවන් යටතේ සංවිධානය කර ඇත.
ජූලි 27 – ආයතනික සදාචාරය ප්රවර්ධනය කිරීම
ජූලි 28 – මූල්ය, ඩිජිටල්, ව්යවසායකත්ව සහ තාක්ෂණික සදාචාරය ප්රවර්ධනය කිරීම
ජූලි 29 – ආධ්යාත්මික, සදාචාරාත්මක, සංස්කෘතික සහ සමාජ සදාචාරය ප්රවර්ධනය කිරීම
ජූලි 30 – මෙහෙයුම්, යටිතල පහසුකම්, සේවා සැපයීම සහ කම්කරු සදාචාරය ප්රවර්ධනය කිරීම
ජූලි 31 – පාරිසරික, සම්පත් කළමනාකරණ, ග්රාමීය සහ ප්රජා සවිබල ගැන්වීමේ සදාචාරය ප්රවර්ධනය කිරීම
ජනාධිපති ලේකම් කාර්යාලයේ මඟපෙන්වීම යටතේ සෑම රාජ්ය ආයතනයකම අභ්යන්තර කටයුතු ඒකක හරහා දූෂණ, අක්රමිකතා හෝ පරිපාලන දුර්වලතා සම්බන්ධ මහජන පැමිණිලි භාර ගැනීමට කටයුතු යොදා ඇත.
එම පැමිණිලි QR කේත, විද්යුත් තැපෑල, තැපැල් සේවා, දුරකථන හෝ වෙබ් පණිවිඩ වේදිකා හරහා ඉදිරිපත් කළ හැකිය.
ආයතන ප්රධානීන් විසින් එම පැමිණිලි සම්බන්ධයෙන් ගනු ලබන ක්රියාමාර්ග නිරීක්ෂණය කිරීම සඳහා විශේෂ ඩිජිටල් අධීක්ෂණ පද්ධතියක්ද ක්රියාත්මක කිරීමට නියමිතය.
ජූලි 31 වන දින ජාතික සදාචාර සතිය අවසන් වුවද, මෙම වැඩසටහන 2026 දෙසැම්බර් 31 දක්වා සියලුම රාජ්ය සහ අර්ධ රාජ්ය ආයතන තුළ අඛණ්ඩව ක්රියාත්මක කිරීමට සැලසුම් කර තිබේ.
