බැසිල් රාජපක්ෂ යළි ලංකාවට…

හිටපු මුදල් අමාත්‍ය සහ ශ්‍රී ලංකා පොදුජන පෙරමුණේ (SLPP) ජාතික සංවිධායක බැසිල් රාජපක්ෂ ඉරිදා (20) ශ්‍රී ලංකාවට පැමිණීමට නියමිතය.

ඔහුගේ නැවත පැමිණීම තහවුරු කරමින් ශ්‍රී ලංකා පොදුජන පෙරමුණේ ප්‍රධාන ලේකම් සාගර කාරියවසම් කියා සිටියේ හිටපු අමාත්‍යවරයා පක්ෂය ප්‍රතිව්‍යුහගත කිරීම ඇතුළු පක්ෂයට අදාළ කටයුතු කිහිපයක නිරත වීම සඳහා යළි දිවයිනට පැමිණෙන බවයි.

හිරු ප්‍රවෘත්ති අංශයට වාර්තා වන අන්දමට බැසිල් රාජපක්ෂ අමෙරිකාවෙන් පිටත්ව ගොස් ඇති අතර ඔහු ඉරිදා උදෑසන ශ්‍රී ලංකාවට පැමිණෙන බව ආරංචි මාර්ග අනාවරණය කරයි.

මේ වසරේ මැයි සිට ජූලි දක්වා ශ්‍රී ලංකාවේ ඇති වූ මහජන නොසන්සුන්තාව මධ්‍යයේ බැසිල් රාජපක්ෂ සිය අමාත්‍ය ධුරයෙන් සහ පාර්ලිමේන්තු මන්ත්‍රී ධුරයෙන් ඉල්ලා අස්විය. ඉන්පසු සැප්තැම්බර් මාසයේදී ඔහු ඇමරිකාව බලා පිටත්ව ගියේය.

Leave a Reply

Your email address will not be published.