ශ්‍රී ලංකා පොදුජන පෙරමුණේ ජනාධිපති අපේක්ෂක හිටපු ආරක්ෂක ලේකම් ගෝඨාභය රාජපක්ෂ මහතා වෙනුවෙන් අද(20) එම පෙරමුණ මැතිවරණ කොමිෂන් සභාවට පැමිණ ඇප මුදල් තැන්පත් කරනු ලැබීය.
ශ්‍රී ලංකා පොදුජන පෙරමුණේ ලේකම් නීතීඥ සාගර කාරියවසම් මහතා අද පෙරවරුවේ රාජගිරියේ මැතිවරණ කොමිෂන් සභාවට පැමිණ ගෝඨාභය රාජපක්ෂ මහතා වෙනුවෙන් ඇප මුදල් තැන්පත් කළේය. එම අවස්ථාවට ශ්‍රී ලංකා පොදුජන පෙරමුණ නියෝජනය කරන දේශපාලන නියෝජිතයෝ රැසක්ද එක්ව සිටියහ.
